Skipulags- og umhverfisnefnd Fjallabyggðar

Deildarstjóri tæknideildar óskar eftir því við nefndina að gengið verði frá samning við Teiknistofu arkitekta, Gylfa Guðjónsson og félaga ehf. vegna vinnu við endurskoðun aðalskipulags Fjallabyggðar.

Samþykkt.

Sigtryggur Kristjánsson sækir um leyfi til að byggja sólskála við íbúðarhús sitt á Fossvegi 6, Siglufirði. Lögð var fram umsókn ásamt samþykki nágranna.

Erindi samþykkt.

Haraldur Björnsson sækir um beitarhólf fyrir fjáreigendur að Lambafeni 1, Siglufirði. Svæðið sem um ræðir eru allar sléttur norðan vegarins sem liggur upp að hesthúsunum og austan vegar hjá Steinaflötum.

Umrætt svæði er nú þegar í notkun og er beiðninni hafnað. Nefndin er tilbúin að skoða aðra lausn fyrir fjárbændur og er formanni falið að ræða við umsækjanda.

Lögð var fram tillaga og kostnaðaráætlun fyrir hindrun til að verja hús við Eyrarflöt sem liggja við Langeyrarveg. Lagt er til að notast verði við hlaðið grjót í vírneti og er heildarkostnaður um 2 milljónir. Nefndin vísar því til bæjarráðs að farið verði í þessa framkvæmd strax í vor.

Rakel Björnsdóttir óskar eftir endurnýjun lóðarleigusamninga fyrir Suðurgötu 56 og Háveg 49 þar sem núverandi samningar eru útrunnir.
Lagðir voru fram endurnýjaðir lóðarleigusamningar.

Erindi samþykkt.

Skipulagsstofnun óskar eftir umsögn um tillögur að Landsskipulagsstefnu 2015 - 2026 sem er nú til kynningar ásamt umhverfismati í samræmi við lög nr. 123/2010 og 105/20016 og reglugerð nr. 1001/2011. Frestur til að skila athugasemdum er til 13. febrúar 2015.

Nefndin mun kynna sér tillöguna og koma með athugasemdir ef þörf þykir.

Fundargerð frá 5.janúar 2015 lögð fram til kynningar.

Rekstraryfirlit fyrir fyrstu 11 mánuði ársins lagt fram til kynningar.