Skipulags- og umhverfisnefnd Fjallabyggðar

Umhverfis- og auðlindaráðuneytið óskar eftir umsögn Fjallabyggðar um drög að reglugerð um eftirlit Umhverfisstofnunar með náttúru landsins. Óskað er eftir því að umsögnin berist eigi síðar en 11. mars næstkomandi.

Nefndin gerir engar athugasemdir við reglugerðardrögin.

Lögð er fram til umsagnar tillaga til þingsályktunar um breytta framtíðarskipan refaveiða á Íslandi.

Nefndin gerir enga athugasemd við þingsályktunartillöguna.

Lögð fram áætlun umhverfisfulltrúa vegna verkefna á opnum svæðum í Fjallabyggð 2013. Umhverfisfulltrúi fór yfir tillögurnar með nefndarmönnum.

Erindi frestað og umhverfisfulltrúa falið að kostnaðarreikna verkefni svo hægt sé að forgangsraða þeim.

Lögð fram ný gjaldskrá vegna sorphirðu í Fjallabyggð.

Erindi samþykkt.

Lagt fram minnisblað frá Eflu verkfræðistofu, er rekur sögu málsins og stöðu þess og umsögn frá VSI Öryggishönnun og ráðgjöf vegna brunahönnunar orlofshúsa við Þverá.

Af framlögðum gögnum og eftir viðræður við Mannvirkjastofnun hefur afstaða nefndarinnar til málsins breyst. Í framhaldi af því samþykkir nefndin notkun á umræddum samlokueiningum í utanhúsklæðningu húsanna að uppfylltum þeim skilyrðum sem tæknideild hefur lagt fram.

Lögð fram tillaga að deiliskipulagi fyrir grunnskólareit á Þormóðseyri sem afmarkast af Norðurgötu, Eyrargötu, Vetrarbraut og Aðalgötu. Lagt er til að tillagan verði auglýst skv. 1. mgr. 41. gr. skipulagslaga nr. 123/2010, þ.e. í Lögbirtingablaðinu og með áberandi hætti í dagblaði sem gefið er út á landsvísu. Athugasemdafrestur skal eigi vera skemmri en sex vikur frá birtingu auglýsingar.

Erindi samþykkt.

Lögð fram tillaga að óverulegri breytingu á deiliskipulagi Hóls- og Skarðsdals.

Samkvæmt 3. mgr. 43. gr. skipulagslaga nr. 123/2010 leggur nefndin til við bæjarstjórn að hún samþykki erindið og auglýsing um samþykki deiliskipulagsins verði birt í B-deild Stjórnartíðinda skv. 4. mgr. 44. gr. fyrrnefndra laga.

Til tæknideildar bæjarfélagsins hefur leitað verktaki sem hefur áhuga á því að byggja raðhús við Gránugötu 12 á Siglufirði.

Þar sem ekkert deiliskipulag er til fyrir svæðið samþykkir nefndin að framkvæmdin verði grenndarkynnt aðliggjandi lóðarhöfum skv. 44. gr. skipulagslaga nr. 123/2010 og felur tæknideild að grenndarkynna framkvæmdina.

Vernharður Skarphéðinsson sækir um byggingarleyfi fyrir hús sem hann hyggst byggja á lóð nr. 4 við Hafnargötu á grundvelli byggingarreglugerðar nr. 441/1998.

Þar sem ekkert deiliskipulag er til fyrir svæðið samþykkir nefndin að framkvæmdin verði grenndarkynnt aðliggjandi lóðarhöfum skv. 44. gr. skipulagslaga nr. 123/2010 og felur tæknideild að grenndarkynna framkvæmdina.

Þorvaldur Hreinsson f.h. stjórnar hestamannafélagsins Gnýfara óskar eftir því, skv. meðfylgjandi teikningum, að útidyrahurð á reiðskemmu félagsins að Faxavöllum 9 verði staðsett á austurhlið hússins í stað suðurhliðar eins og upphaflegar teikningar gerðu ráð fyrir.

Ásgrímur Pálmason vék af fundi undir þessum lið.

Erindi samþykkt.

Lögð fram til kynningar umfjöllun Garðars Snæbjörnssonar arkitekts um Hótel Sunnu.