Skipulags- og umhverfisnefnd Fjallabyggðar

Drög vegna endurskoðunar Aðalskipulags Fjallabyggðar voru kynnt íbúum og aðliggjandi sveitarfélögum með rafrænum hætti og með útgáfu kynningarbæklings sem var dreift á öll heimili í sveitarfélaginu ásamt því að vera birt á heimasíðu Fjallabyggðar. Óskað var eftir ábendingum eða athugasemdum á tímabilinu 21. október til 20. nóvember 2020. Teknar voru saman ábendingar sem bárust og fjallað um á fundinum.

Vegna umsóknar Vegagerðarinnar þann 11. september 2020 um breytingar á framkvæmdum við Skarðsveg, þarf að gera breytingu á deiliskipulagi útivistarsvæðis í Hóls- og Skarðsdal og gera þar ráð fyrir námu til að vinna efni sem notað verður í fyllingu fyrir veg og bílastæði. Einnig verður gerð breyting á Aðalskipulagi Fjallabyggðar 2020-2032 sem verður auglýst samhliða deiliskipulagsbreytingunni. Lagður fram breytingaruppdráttur sem unninn var á tæknideild, dags.20.01.2021.

Lögð fram tillaga að breyttum lóðarmörkum við Hornbrekku 19 í Ólafsfirði.

Á 681.fundi bæjarráðs var lagt fram vinnuskjal deildarstjóra tæknideildar varðandi mögulegar staðsetningar á hleðslustöðvum og áætluðum kostnaði við uppsetningu. Bæjarráð samþykkti að vísa málinu til umsagnar næsta fundar skipulags- og umhverfisnefndar.

Lagður fram tölvupóstur frá Magnúsi Þorgeirssyni dags. 17.janúar 2021 þar sem hann skilar inn lóð sem hann hafði fengið úthlutað við Pálsbergsgötu 1a, Ólafsfirði. Einnig lögð fram drög að samkomulagi um skil á lóð.

Lögð fram umsókn dagsett 6. janúar 2021 þar sem Edda Hafsteinsdóttir sækir um frístundalóðina Skógarstíg 12, Siglufirði.

Lögð fram umsókn dagsett 8. janúar 2021 þar sem Ester Harpa Vignisdóttir og Björn Sigurðsson sækja um lóðina Bakkabyggð 2, Ólafsfirði.

Lögð fram umsókn dagsett 27. janúar 2021, um endurnýjun lóðarleigusamnings fyrir Háveg 28. Einnig lögð fram drög að breyttum lóðarmörkum.

Lagt fram erindi Valtýs Sigurðssonar f.h. Leyningsáss ses., dagsett 29. janúar 2021 þar sem óskað er eftir leyfi Fjallabyggðar til að fjarlægja rústir skíðaskálans í Skarðsdal sem varð fyrir snjóflóði þann 20. janúar sl.

Lagt fram erindi Ingibjargar Guðlaugar Jónsdóttur dagsett 25. janúar 2021 þar sem lýst er yfir áhyggjum af umferðaröryggi við syðri gatnamót Hlíðarvegar og Hólavegar. Þar er blint horn, vegurinn upp á Hólaveg er þröngur og engin gangstétt er fyrir gangandi vegfarendur.

Tekin umræða um hraðaminnkandi aðgerðir við leikskóla Fjallabyggðar við Hvanneyrarbraut á Siglufirði og Ólafsveg í Ólafsfirði.

Umræða tekin í nefndinni um beitarhólf á Siglufirði.

Lögð fram til kynningar drög að stefnu um meðhöndlun úrgangs 2021-2032. Hægt er að senda inn athugasemdir við drögin í Samráðsgátt til 23. febrúar nk. undir samradsgatt.island.is.