Skipulags- og umhverfisnefnd Fjallabyggðar

Fyrirhugað er að hefja að nýju jarðhitarannsóknir í Siglufirði með það að markmiðið að afla meiri hitaorku fyrir hitaveitu Siglufjarðar.  Óskaði Rarik ohf. eftir framkvæmdaleyfi fyrir rannsóknaborunum í Skarðsdal.

Nefndarmenn samþykktu framkvæmdarleyfi með tölvupósti 4. og 5. maí s.l. sem staðfestist hér með.

Samgöngunefnd Alþingis sendir til umsagnar tillögu til þingsályktunar um fjögurra ára samgönguáætlun fyrir árin 2009-2012.

Þingsályktunartillagan lögð fram fyrir nefndina.

Petrea Gísladóttir sækir um að klæða húseign sína að Kirkjuvegi14 B, Ólafsfirði að utan með hvítri Meg klæðningu.

Nefndin samþykkir erindið en óskar eftir teikningum af húsinu.

Þórður B. Guðmundsson óskar eftir leyfi til að gera breytingu á þaki húss síns.  Breytingin felst í að setja hallandi þak á þann hluta þaksins sem er flatur, þar sem þakið lekur og aðrar leiðir til að stöðva lekan hafa ekki borið árangur.

Nefndin samþykkir erindið fyrir sitt leyti og óskar jafnframt eftir byggingarnefndarteikningum.

Sigurjón Magnússon óskar eftir leyfi til að setja upp aðstöðu til móttöku á húsbílum, tjald og fellihýsum.  Ásamt því að fá að staðsetja lítið þjónustu og gistiheimili á lóð sinni sunnan við íbúðarhúsið á Brimnesi.  Fyrirhugað gistiheimili er hæð og ris gamla íbúðarhússins að Vatnsenda í Ólafsfirði.

Nefndin beinir því til bæjarstjórnar að svæðið verði deiliskipulagt samkvæmt nýju fyrirhuguðu aðalskipulagi Fjallabyggar þar sem tillit verður tekið til áðurnefnds húss.  Jafnframt samþykkir nefndin  tímabundið leyfi til 5 ára að heimila Sigurjóni að hafa tjaldsvæði skv. umsókn, að undangengnum samningi og grenndarkynningu.

Golfklúbbur Siglufjarðar fer þess á leit við bæjarráð að sveitarfélagið láti gera deiliskipulagstillögu fyrir svæðið í samræmi við framkomnar teikningar og hugmyndir.  Að sveitarfélagið taki að sér þann framkvæmdarhluta sem snýr að  almennu aðgengi svo sem lagningu vega, stíga, brúargerð og grjótvarna.

Bæjarráð tók jákvætt í erindið og vísaði til skipulags- og umhverfisnefndar þeim hluta erindis sem varðar deiliskipulag.

Lagt er til að svæðið verði sett í deilisskipulagsferli og Teikn á lofti verði falið verkefnið til auglýsinga.

Nefndin óskar eftir að samningur milli Rariks og sveitafélagsins verði lagður fram á næsta fundi nefndarinnar.

Bj. Hafþór Guðmundsson sveitarstjóri Djúpavogshrepps  hyggst fara fram á það við samgögnunefnd Alþingis að hún beiti sér fyrir að bráðabirgðarákvæði um innheimtu og álagningu gatnagerðargjalda verði framlengt.  Í þessu sambandi sendir Hafþór inn fyrirspurn, um hvort sveitarfélagið telji þörf að framangreint bráðabirgðaákvæði verði framlengt.

Skipulags- og umhverfisnefnd Fjallabyggðar telur nauðsynlegt að tíminn verði framlengdur um 4 ár, þar sem götur í sveitarfélaginu eru ekki komnar með bundið slitlag og ekki fyrirsjáanlegt að  því verki ljúki fyrr en eftir 4 ár.

Sýslumaðurinn á Siglufirði óskar eftir umsögn um umsókn Rauðku ehf um rekstrarleyfi til handa Hannes Boy Café/þjónustumiðstöð Rauðku, vegna reksturs veitingastaðar sbr. meðfylgjandi aftrit af umsókninni.  Vakin er athygli á því að sótt er einnig um útiveitingaleyfi til kl. 01.00.

Nefndin samþykkir erindið fyrir sitt leiti.

Þann 19. mars 2010 felldi Umhverfisráðuneytið úr gildi starfsleyfi fyrir starfsemi sem getur hafi í för með sér mengun á grundvelli þess að ekki var í gildi gilt deiliskipulag.

Í ljósi þess óskar félagið eftir því við sveitarfélagið að fá sent staðfest deiliskipulag fyrir olíubirgðarstöðvar félagsins á Siglufirði og Ólafsfirði.

Þar sem ekki eru til deiliskipulag af áðurnefndum svæðum leggur nefndin til að svæðið fari í deiliskipulagsferli og telur nauðsynlegt að svæðið Ólafsfjarðarmegin norðan Námuvegar verði skipulagt með Brimneslandi.