Skipulags- og umhverfisnefnd Fjallabyggðar

Með erindum sendum inn 27. apríl 2020 óskar Heimir Gunnarsson fyrir hönd Vegagerðarinnar eftir framkvæmdaleyfum vegna efnistöku úr námum 19726 Hóll við Ólafsfjarðarveg og 19901 Lágheiði norðan neyðarskýlis. Óskað er eftir því að framkvæmdaleyfin séu veitt frá 1. júlí 2020 til 30. júní 2021.

Við gerð fjárhagsáætlunar 2020 var skipulags- og umhverfisnefnd falið að koma með tillögur að verkefnum í umhverfisátaki Fjallabyggðar. Lagðar eru fram loftmyndir af svæðum sem þarfnast úrbóta.

Með erindi sendu inn 14. apríl 2020 óskar Kolbrún Gunnarsdóttir eftir leyfi til þess að stækka glugga á austurhlið, efri hæðar Hafnartúns 8 á Siglufirði. Glugginn myndi stækka til suðurs í 245 cm sem er sama stærð og gluggar í eldhúsi og stofu á sömu hæð hússins.

Á 184 fundi bæjarstjórnar Fjallabyggðar var lagt til að umræddur áningastaður yrði malbikaður í sumar um leið og framkvæmdir fara fram við göngustíg. Bæjarstjórn samþykkti að visa málinu til skipulags- og umhverfisnefndar.

Lagt fram erindi dagsett 20. apríl 2020 þar sem Svanfríður Halldórsdóttir f.h. stjórnar U.M.F. Vísis lýsir áhuga félagsins á því að komið verði upp áningastað úti á Kambi, austan fiskihjallanna. Hugmyndin er að setja upp skilti með upplýsingum um Kleifar, Múlann og landnámsmanninn Gunnólf gamla. Ungmennafélagið myndi sjá um kostnað við gerð skilta og uppsetningu ef samkomulag næst við sveitarfélagið um undirbúning svæðisins og staðsetningu.

Með erindi dagsettu 22. apríl 2020 óskar Örlygur Kristfinnsson fyrir hönd Ytrahússfélagsins eftir samþykki skipulags- og umhverfisnefndar fyrir því að söguskilti um húsið Hóla og Guðmund Skarphéðinsson verði staðsett á garðvegg við Lindargötu 11 á Siglufirði. Skiltið yrði 60x80 cm að stærð og skrúfað á vegg sem snýr að Lindargötu. Meðfylgjandi eru myndir af skiltinu og fyrirhugaðri staðsetningu.

Með erindi dagsettu 30. apríl 2020 óskar Þórir Þórisson, eigandi The Herring House, eftir leyfi til þess að setja upp lítil auglýsingaskilti á tvo ljósastaura, einn við Hlíðarveg á Siglufirði og einn við Kirkjustíg. Áður var hann með leyfi fyrir skiltunum við Háveg og Hverfisgötu en vegna flutnings á starfsemi fyrirtækisins er óskað eftir að fá að færa skiltin. Meðfylgjandi eru myndir af skiltunum og fyrirhugaðri staðsetningu þeirra.

Lögð fram fundargerð 5. fundar Svæðisskipulagsnefndar Eyjafjarðar frá 30. mars 2020. Á dagskrá fundarins var breyting á Svæðisskipulagi Eyjafjarðar 2012-2024.

Lögð fram tillaga að deiliskipulagi fyrir Hvanneyrarbraut 30 á Siglufirði. Í deiliskipulagstillögunni er skilgreindur byggingarreitur fyrir allt að 75m2 viðbyggingu við húsið.

Lögð fram til kynningar tillaga að breytingum á Íþróttamiðstöðinni á Siglufirði unnin af AVH arkítektum. Gert er ráð fyrir viðbyggingu við núverandi húsnæði Íþróttamiðstöðvarinnar auk pottaaðstöðu, setlaugar og tengingu niður í fjöru austan við húsið.

Á 250.fundi skipulags- og umhverfisnefndar samþykkti nefndin að hámarkshraði í þéttbýlinu yrði hækkaður úr 35 km á klst. í 40 km á klst. að undanskildum götum við skóla, leikskóla og íþróttamiðstöðvar, þar verði hann lækkaður í 30 km á klst. Lögð fram til kynningar umsögn lögreglustjóra sem gerir ekki athugasemdir við fyrirhugaðar breytingar á hámarkshraða.