Markaðs- og menningarnefnd Fjallabyggðar

Ásta Sigurfinnsdóttir umsjónarmaður Tjarnarborgar mætti á fundinn og fór yfir starfið í menningarhúsinu á árinu 2020. Markaðs- og menningarnefnd þakkar Ástu kærlega fyrir yfirferðina en starfið í Tjarnarborg einkenndist af sóttvarnartakmörkunum og því færri viðburðir í húsinu en venjan er.

Vegna sóttvarnartakmarkana sem í gildi eru vegna heimsfaraldurs er Barnamenningarhátíð í Fjallabyggð frestað til hausts 2021. Barnamenningarhátíð er haldin í samstarfi við skólana og háð þátttöku listamanna í sveitarfélaginu.

Markaðs- og menningarnefnd vekur athygli á að samkomulag um 17. júní hátíðarhöld sem gert var við Menningar- og fræðslunefnd slökkviliðsins í Ólafsfirði og undirritað var 15.2.2018 er útrunnið en heimild er til framlengingar. Nefndin vísar málinu til bæjarráðs.

Markaðs- og menningarnefnd telur ekki raunhæft að halda Trilludaga í júlí 2021 með því sniði sem þeir hafa verið haldnir áður. Nefndin leggur því til að Trilludögum 2021 verði aflýst í ár þar sem mikil óvissa er um gildandi sóttvarnarreglur. Mikið er um sameiginlega snertifleti og mannþröng í bátum og á hátíðarsvæðinu.