Hafnarstjórn Fjallabyggðar

Fyrir liggur minnisblað og tillaga um úrlausn varðandi mönnun Fjallabyggðahafna en málinu var vísað til hafnarstjórnar af bæjarráði.

Fyrir liggur framkvæmdaáætlun fyrir Fjallabyggðahafnir árið 2025 sem samþykkt hefur verið af bæjarstjórn.

Fyrir liggur greinargerð Cruise Iceland vegna aðgerðaáætlunar ferðamálastefnu þar sem fyrirtækið lýsir m.a. yfir áhyggjum af fyrirhuguðu innviðagjaldi á skemmtiferðaskip sem gæti haft áhrif á komur skemmtiferðaskipa og leitt til fækkunar á viðkomustöðum á Íslandi.

Fyrir liggur tilkynning frá Fiskistofu um sérstakt gjald af strandveiðibátum sem greiðist til viðkomandi hafna. Hlutdeild Fjallabyggðahafna af gjaldinu fyrir árið 2024 er samtals kr. 1.614.651.

Hafnarstjóri lagði fram tölur um landaðan afla árið 2024 með samanburði við árið 2023.

Á Siglufirði var landað 14.928 tonnum árið 2024 í 1.266 löndunum í samanburði við 15.019 tonn árið 2023 í 1.176 löndunum
Á Ólafsfirði var landað 135 tonnum árið 2024 í 122 löndunum sem er sami afli og landað var árið 2023 í 120 löndunum.

Samanlagt er því landaður afli nánast sá sami árið 2024 og var árið 2023 en landanir eru nokkru fleiri árið 2024.

Skemmtiferðaskip áttu 27 komur í Fjallabyggðahafnir árið 2024 og áætlaðar komur árið 2025 eru 31.

Yfirhafnavörður, Friðþjófur Jónsson, lætur af störfum um næstu mánaðarmót. Hafnarstjórn þakkar Friðþjófi hans störf hjá Fjallabyggðahöfnum og óskar honum velfarnaðar.

Hafnarstjórn leggur áherslu á að bifreiðar í rekstri hafnarsjóðs séu tiltækar og staðsettar á hafnarsvæðum Fjallabyggðar, nema þegar um er að ræða að starfsmenn séu á bakvakt og þurfi aðgang að bifreið, eins og fram kemur í 4.gr. reglna um notkun bifreiða Fjallabyggðar.

Hafnarstjórn óskar eftir upplýsingum um uppsetningu myndavéla við höfnina fyrir næsta fund og jafnframt eftir upplýsingum um hvort ekki sé möguleiki á að birta myndefni úr tilteknum myndavélum á heimasíðu Fjallabyggðar. Hafnarstjóri mun skila inn upplýsingum á næsta fund.