Fræðslu- og frístundanefnd Fjallabyggðar

Leikskólastjóri, Olga Gísladóttir kynnti Jafnréttisáætlun leikskólans. Jafnréttisáætlunin á við börn, foreldra og starfsfólk leikskólans. Áætlunin tekur mið af skólanámskrá Leikskóla Fjallabyggðar og Jafnréttisáætlun Fjallabyggðar.

Lögð fram skýrsla um eldvarnarskoðun fyrir Leikskála, dags. 17.12.2014. Athugasemdir skoðunaraðila eru óverulegar.

Lögð fram umsókn um leikskóladvöl utan lögheimilissveitarfélags fyrir skólaárið 2014-2015. Samþykkt.
Olga Gísladóttir vék af fundi kl. 16:40.
Guðný Kristinsdóttir vék af fundi kl. 16:40.
Hilmar Þór Hreiðarsson tók sæti hennar á fundinum kl. 16:40.

Ríkey Sigurbjörnsdóttir, skólastjóri Grunnskóla Fjallabyggðar mætti á fundinn kl. 16:40.
Lagðar fram til kynningar niðurstöður nemendakönnunar Skólapúlsins sem lögð var fyrir nemendur í 6.-7. bekk og 8.-10. bekk Grunnskóla Fjallabyggðar.

Lögð fram umsókn um tímabundna námsvist grunnskólanema utan lögheimilissveitarfélags.
Samþykkt.

Lögð fram umsókn um tímabundna námsvist grunnskólanema utan lögheimilissveitarfélags.
Samþykkt.

Lagt fram til kynningar erindi skólastjóra Grunnskóla Fjallabyggðar, til bæjarráðs varðandi öryggi gangandi nemenda milli skólahúss við Norðurgötu og íþróttahúss Siglufirði.
Fræðslu- og frístundanefnd tekur undir með skólastjóra um nauðsyn þess að gangstéttir á þessari leið séu hreinsaðar þegar snjór safnast á þær.

Lögð fram til kynningar símenntunaráætlun Grunnskóla Fjallabyggðar.
Ríkey vék af fundi kl. 17:30.

Haukur Sigurðsson, íþrótta- og tómstundafulltrúi tók sæti á fundinum kl. 17:50.
Lögð fram tillaga að gjaldskrá Íþróttamiðstöðvar fyrir árið 2015 með viðauka um útleigu á íþróttamiðstöð fyrir aðra starfsemi en íþróttaviðburði.
Gjaldskráin hækkar að meðaltali um 3,06% milli ára.

Lögð fram tillaga að reglum um úthlutun frítíma í Íþróttamiðstöðvar Fjallabyggðar. Reglurnar ná til úthlutunar á frítímum í íþróttasölum Fjallabyggðar og eru í samræmi við núgildandi stundatöflu íþróttamiðstöðvarinnar.
Nefndin samþykkir að senda tillögunar til umsagnar UÍF.
Haukur vék af fundi kl.18:25.

Lagt fram erindi frá skólastjóra Grunnskóla Fjallabyggðar, Ríkey Sigurbjörnsdóttur, þar sem hún óskar eftir launalausu leyfi frá störfum næsta skólaár, til þess að sinna endurmenntun.
Meðfylgjandi er bréf frá Námsleyfasjóði Sambands íslenskra sveitarfélaga, þar sem staðfest er að sjóðurinn hefur veitt Ríkey námslaun næsta skólaár.
Fræðslu- og frístundanefnd samþykkir fyrir sitt leyti að Ríkey fái leyfi frá störfum til að sinna endurmenntun skólaárið 2015-2016.

Lagt fram til kynninga rekstaryfirlit fyrir nóvember 2014. Niðurstaða fyrir íþrótta- og æskulýðsmál er 199.879 millj. kr. sem er 95% af áætlun tímabilsins sem var 210.488,6 millj. kr.
Niðurstaða fyrir fræðslu og uppeldismál er 543.919,4 millj. kr. sem er 99% af áætlun tímabilsins sem var 549.942,5 millj. kr.