Fræðslu- og frístundanefnd Fjallabyggðar

Undir þessum lið sátu Kristín María Hlökk Karlsdóttir skólastjóri Leikskóla Fjallabyggðar, Björk Óladóttir deildarstjóri, Sæunn Gísladóttir fulltrúi foreldra og Sigurbjörg Steinsdóttir fulltrúi starfsmanna leikskólans.
Fyrir liggur minnisblað frá sviðsstjóra skipulags og framkvæmda um þá möguleika sem fyrir eru til að koma til móts við aukna húsnæðisþörf Leikhóla í Ólafsfirði. Ljóst er að miðað við áætlaðan nemendafjölda og nemendafjölgun næsta haust er mjög mikilvægt að finna leiðir til að leysa húsnæðisþörf skólans. Fræðslu- og frístundanefnd ítrekar þörf fyrir viðbótarhúsnæði leikskólans strax frá næsta hausti og hvetur til þess að unnið verði hratt að lausn á málinu.

Undir þessum lið sátu Kristín María Hlökk Karlsdóttir skólastjóri Leikskóla Fjallabyggðar, Björk Óladóttir deildarstjóri, Sæunn Gísladóttir fulltrúi foreldra og Sigurbjörg Steinsdóttir fulltrúi starfsmanna leikskólans. Þá sat Sigríður Guðrún Hauksdóttir, fulltrúi bæjarstjórnar í Vinnuhópi um betri leikskóla, undir þessum dagskrárlið.
Fræðslu- og frístundanefnd þakkar vinnuhópnum fyrir kynninguna. Teknar voru niður athugasemdir og spurningar varðandi hugmyndir hópsins sem unnið verður úr í framhaldinu. Á miðvikudaginn verður haldin kynning fyrir íbúa Fjallabyggðar og foreldrar leikskólabarna sérstaklega hvattir til að mæta. Vinnuhópur stefnir að skilum á lokaskýrslu fyrir 1. maí nk.

Undir þessum lið sátu Kristín María Hlökk Karlsdóttir skólastjóri Leikskóla Fjallabyggðar, Björk Óladóttir deildarstjóri, Sæunn Gísladóttir fulltrúi foreldra og Sigurbjörg Steinsdóttir fulltrúi starfsmanna leikskólans.
Skólastjóri fór yfir niðurstöður könnunarinnar.

Undir þessum lið sátu Ása Björk Stefánsdóttir skólastýra grunnskólans og Brynhildur Reykjalín Vilhjálmsdóttir fulltrúi kennara. Skólastýra fór yfir skólaárið með augum nemenda í 10.bekk en hún fékk þeirra leyfi til að fara með annál bekkjarins fyrir fræðslu- og frístundanefnd. Þá kom fram í máli skólastýru að 10.bekkur vann Fjármálaleikana 2025 á landsvísu og fengu viðurkenningu að því tilefni í dag en fulltrúar Arionbanka og Samtaka fyrirtækja í fjármálaþjónustu sóttu þau heim og veittu verðlaun. Tveir nemendur 10. bekkjar fara til Brussel til að taka þátt í Evrópukeppni í fjármálalæsi þar.

Fræðslu og frístundanefnd óskar Grunnskóla Fjallabyggðar og nemendum 10. bekkjar til hamingju með glæsilegan árangur.

Skólastýra fór yfir helstu verkefni framundan eða til loka skólaárs.

Fræðslu- og frístundanefnd þakkar skólastýru og nemendum 10. bekkjar fyrir áhugaverðan annál skólaársins.

Lagt fram til kynningar.