Húsnæðismál Leikskóla Fjallabyggðar

Kristín María Hlökk Karlsdóttir skólastjóri Leikskóla Fjallabyggðar sat undir þessum dagskrárlið.
Fræðslu- og frístundanefnd þakkar skólastjóra fyrir innsent erindi og tekur undir mikilvægi þess að ráðist verði í úrbætur á leikskólahúsnæði Leikhóla. Starfsemin býr við mjög þröngan kost og fyrirséð er að enn þrengi að. Nefndin leggur áherslu á að gerð verði þarfagreining á framtíðarfyrirkomulagi húsnæði leikskólans.
Þá óskar skólastjóri eftir að gerðar verði breytingar á leikskólalóð Leikhóla meðal annars með því að fjarlægja hlaðin gróðurker og í þeirra stað verði sett upp þrautabraut fyrir nemendur leikskólans.

Bæjarráð felur tæknideild að kostnaðarmeta þær hugmyndir um framkvæmdir við Leikhóla í Ólafsfirði sem fram koma í erindi frá leikskólastjóra Fjallabyggðar og í bókun fræðslu- og frístundanefndar. Kostnaðarmati tæknideildar vísað til framkvæmda- og fjárhagsáætlunar 2025.

Undir þessum lið sátu Kristín María Hlökk Karlsdóttir skólastjóri Leikskóla Fjallabyggðar, Björk Óladóttir deildarstjóri, Sæunn Gísladóttir fulltrúi foreldra og Sigurbjörg Steinsdóttir fulltrúi starfsmanna leikskólans.
Fyrir liggur minnisblað frá sviðsstjóra skipulags og framkvæmda um þá möguleika sem fyrir eru til að koma til móts við aukna húsnæðisþörf Leikhóla í Ólafsfirði. Ljóst er að miðað við áætlaðan nemendafjölda og nemendafjölgun næsta haust er mjög mikilvægt að finna leiðir til að leysa húsnæðisþörf skólans. Fræðslu- og frístundanefnd ítrekar þörf fyrir viðbótarhúsnæði leikskólans strax frá næsta hausti og hvetur til þess að unnið verði hratt að lausn á málinu.