Félagsmálanefnd Fjallabyggðar

Þann 1. janúar 2011 er áætlað að málefni fatlaðra færist frá ríki til sveitarfélaga samkvæmt samkomulagi þar um. Undirbúningur yfirfærslunnar hefur staðið um nokkurt skeið að hálfu ríkis og sveitarfélaga á vettvangi sérstakrar verkefnisstjórnar sem um málið fjallar. Samkvæmt samkomulaginu er gert ráð fyrir að mynduð verði sérstök þjónustusvæði milli þeirra sveitarfélaga sem ekki telja átta þúsund íbúa og skuli þjónustusvæðið samanlagt ekki telja færri íbúa en átta þúsund.
Stjórn SSNV fjallaði um málið á fundi 9. mars sl. og leggur til að áfram verði rekið byggðasamlag um málaflokkinn á Norðurlandi vestra með dreifðri þjónustu. Fer stjórnin þess á leit við sveitarfélögin sem standa að byggðasamlagi um málefni fatlaðra á Norðurlandi vestra að þau staðfesti þátttöku í myndun þjónustusvæðis sem helgast af sveitarfélagsmörkum Bæjarhrepps, Húnaþings vestra, Húnavatnshrepps, Blönduósbæjar, Skagabyggðar, Sveitarfélagsins Skagastrandar, Sveitarfélagsins Skagafjarðar, Akrahrepps og Fjallabyggðar.
Félagsmálanefnd leggur til að bæjarstjórn samþykki ályktun stjórnar SSNV, um myndun þjónustusæðis á grunni þeirrar leiðar sem kölluð er ,,byggðasamlag með dreifðri þjónustu.

Lögð fram beiðni um ferðastyrk fyrir fatlaðan nemanda.  Erindi samþykkt.

Félagsmálastjóri lagði fram yfirlit yfir afgreiðslur fjárhagsaðstoðar frá síðasta fundi nefndarinnar.

Samþykkt.

Erindi synjað.

Samþykkt.

Félagsmálastjóri gerði grein fyrir breytingum í starfsmannamálum félagsþjónustu.  Júlía Sæmundsdóttir, félagsráðgjafi hefur sagt starfi sínu lausu  og mun láta af störfum frá og með 31. maí næst komandi.  Lagt er til að áður en auglýst verður eftir nýjum starfsmanni verði fyrst unnin þarfagreining fyrir starfið, þar sem m.a. verði tekið tillit til væntanlegra breytinga á starfsumhverfi t.d. í kjölfar yfirfærslu málefna fatlaðra.