Bæjarráð Fjallabyggðar

Lögð fram kostnaðaráætlun Mannvits á hönnun burðarvirkja, raflagna, lagna og loftræstingar fyrir leikskólann Leikskála, að upphæð kr. 4,7 millj.

Bæjarráð samþykkir að Mannviti verði falið verkið og vísar kostnaði til viðauka við fjárhagsáætlun 2015.

Á 414. fundi bæjarráðs, 27. október 2015, var samþykkt að óska eftir formlegri umsögn yfirhafnarvarðar um skoðunarskýrslu Vinnueftirlitsins með úrbætur í huga.

Umsögn lögð fram.

Fram kemur að búið er að leysa vandamál með lykt í vigtarskúr og að fulltrúi Vinnueftirlitsins sé sáttur við áform bæjaryfirvalda varðandi aðstöðu og aðbúnað starfsmanna.

Lagt fram erindi Óskars Þórðarsonar, dagsett 29. október 2015, er varðar akstur skólarútu í haustfríi grunnskólans og reglur um frítíma aðildarfélaga Ungmenna- og íþróttasambands Fjallabyggðar, sem Fjallabyggð veitir.

Bæjarráð samþykkir að vísa erindinu til umfjöllunar í fræðslu- og frístundanefnd.

Lögð fram til kynningar drög að þarfalýsingu vegna vátrygginga Fjallabyggðar.
Endanleg útboðsgögn verða lögð fyrir bæjarráð.

Boðað er til aðalfundar hjá Flokkun Eyjafjarðar, þriðjudaginn 10. nóvember 2015.

Bæjarráð samþykkir að fulltrúi Fjallabyggðar verði forseti bæjarstjórnar Ríkharður Hólm Sigurðsson.

Lögð fram beiðni um styrk frá Félagi íslenskra kraftamanna, dagsett 26. október 2015, vegna aflraunamótsins Norðurlands Jakinn, keppni sterkustu manna landsins dagana 15. - 17. ágúst 2016 víðsvegar um Norðurland. Gera á sjónvarpsþátt um keppnina.

Bæjarráð sér sér ekki fært að verða við beiðninni.

Lagðar fram til kynningar ályktanir og samþykktir aðalfundar Eyþings 2015, haldinn í Hörgársveit 9. og 10. október 2015.
Einnig breyttar samþykktir Menningarráðs Eyþings.

Starfshópur um dag leikskólans vekur athygli á og hvetur með bréfi sínu, dagsettu 27. október 2015, til þess að hugað sé að Degi leikskólans 5. febrúar 2016.

Lagt fram til kynningar.

Bæjarráð samþykkir að vísa erindinu til umfjöllunar í fræðslu- og frístundanefnd.

Í september var haldinn fundur á Siglufirði, með Landsneti og fulltrúum sveitarfélaganna í Eyjafirði og Norðurlandi vestra, um kerfisáætlun Landsnets. Ákveðið var í áframhaldi að hittast á 2 mánaða fresti í vetur. Atvinnuþróunarfélögin á svæðinu myndu boða til funda.
Í samráði Atvinnuþróunarfélaganna og Landsnets hefur verið ákveðið að boða til næsta fundar þriðjudaginn 10. nóvember í Varmahlíð.

Bæjarráð samþykkir að bæjarstjóri sæki fundinn f.h. Fjallabyggðar.

Lagt fram til kynningar bréf Sambands íslenskra sveitarfélaga til allra sveitarfélaga, dags. 6. október 2015, um mótttöku sveitarfélaga á flóttamönnum, ásamt fylgiskjölum:
1. Bréf sambandsins til velferðar- og innanríkisráðuneyta, dags. 29. september sl.
2. Minnisblað til stjórnar sambandsins, dags. 9. september sl.
3. Norræn samantekt um málefni flóttamanna, dags. 9. september sl.

Í bréfi sambandsins er kynnt samþykkt stjórnar sambandsins frá fundi 11. september sl. um stuðning og hagsmunagæslu sambandsins vegna móttöku sveitarfélaga á flóttamönnum og sveitarfélögum er boðið að tilnefna fulltrúa í samráðshóp um málið.

Lagður fram til kynningar undirritaður verksamningur milli Fjallabyggðar og Köfunarþjónustunnar ehf, vegna uppsetningar á stoðvirkjum í Fífladölum ofan byggðar á Siglufirði á tímabilinu ágúst 2015 til september 2018.