Leikskálar, hönnun viðbyggingar

Á fund bæjarráðs mætti deildarstjóri tæknideildar, Ármann Viðar Sigurðsson.

Lögð voru fram drög að ráðgjafasamningi við Teiknistofuna Víðhlíð 45 um stækkun og endurbætur á leikskóla við Brekkugötu 2, Siglufirði.
Samningur er upp á tæpar 1,2 milljónir króna án vsk.

Bæjarráð samþykkir fyrirliggjandi samning.

Lögð fram til kynningar tillaga að viðbyggingu og innri breytingum á núverandi húsi leikskólans við Brekkugötu á Siglufirði.

Tillagan verður áfram til umfjöllunar.

Lögð fram til kynningar tillaga að viðbyggingu og innri breytingum á núverandi húsi leikskólans við Brekkugötu á Siglufirði.

Bæjarráð samþykkir að vísa tillögunni til úrvinnslu í skipulags- og umhverfisnefnd.

Lögð fram til kynningar tillaga að viðbyggingu og innri breytingum á núverandi húsi leikskólans við Brekkugötu á Siglufirði.

Lögð fram til kynningar uppfærð tillaga að viðbyggingu og innri breytingum á núverandi húsi leikskólans við Brekkugötu á Siglufirði.

Tillögu vísað til umfjöllunar í fræðslu- og frístundanefnd og skipulags- og umhverfisnefnd.

Á fund nefndarinnar mætti skólastjóri Leikskóla Fjallabyggðar, Olga Gísladóttir.

410. fundur bæjarráðs, 28. september 2015. vísaði uppfærðri tillögu að viðbyggingu og innri breytingum á núverandi húsnæði leikskóla við Brekkugötu á Siglufirði til fræðslu- og frístundanefndar.

Lögð fram uppfærð tillaga að viðbyggingu og innri breytingum á núverandi húsnæði Leikskóla Fjallabyggðar við Brekkugötu á Siglufirði.

Fræðslu- og frístundanefnd leggur til við bæjarráð að tillaga B verði fyrir valinu og vonast til að framkvæmdir hefjist eins fljótt og kostur er.

410. fundur bæjarráðs, 28. september 2015, vísaði uppfærðri tillögu að viðbyggingu og innri breytingum á núverandi húsnæði leikskóla við Brekkugötu á Siglufirði til fræðslu- og frístundanefndar.

21. fundur fræðslu- og frístundanefndar, 2. október 2015, lagði til við bæjarráð að tillaga B yrði fyrir valinu og vonaðist til að framkvæmdir hæfust eins fljótt og kostur er.

Bæjarráð samþykkir tillögu B og felur bæjarstjóra að leita eftir tilboði í burðarþols- og lagnateikningar.

Fræðslu- og frístundanefnd samþykkti á fundi sínum þann 8.október 2015 uppfærða tillögu að viðbyggingu og innri breytingum á núverandi húsnæði Leikskóla Fjallabyggðar við Brekkugötu á Siglufirði.

Skipulags- og umhverfisnefnd felur tæknideild að grenndarkynna framkvæmdina aðliggjandi lóðarhöfum. Teikningar munu einnig liggja frammi á tæknideild og öllum velkomið að skoða þær.

Lögð fram kostnaðaráætlun Mannvits á hönnun burðarvirkja, raflagna, lagna og loftræstingar fyrir leikskólann Leikskála, að upphæð kr. 4,7 millj.

Bæjarráð samþykkir að Mannviti verði falið verkið og vísar kostnaði til viðauka við fjárhagsáætlun 2015.

Á 192. fundi skipulags- og umhverfisnefndar þann 28.október sl. var tæknideild falið að grenndarkynna fyrirhugaða viðbyggingu við húsnæði Leikskóla Fjallabyggðar við Brekkugötu á Siglufirði, aðliggjandi lóðarhöfum. Grenndarkynningu lauk 11. desember sl., engar athugasemdir bárust.

Nefndin samþykkir framlagðar teikningar og felur deildarstjóra tæknideildar að gefa út byggingarleyfi.

Lagður fram samningur um hönnun og ráðgjöf vegna verkhönnunar á viðbyggingu og innri breytingum á leikskólanum Leikskálum, við Teiknistofuna Víðihlíð 45.

Einnig lögð fram beiðni deildarstjóra tæknideildar, Ármanns Viðars Sigurðssonar til þess að bjóða út viðbyggingu og innri breytingu leikskólans Leikskála, Siglufirði.

Bæjarráð samþykkir hönnunar- og ráðgjafarsamning við Teiknistofuna Víðhlíð 45.

Einnig samþykkir bæjarráð að bjóða út viðbyggingu og innri breytingu leikskólans Leikskála.

Á fund bæjarráðs mætti deildarstjóri tæknideildar, Ármann Valur Sigurðsson.

Lagt fram minnisblað deildarstjóra tæknideildar.

Tilboð voru opnuð í viðbyggingu og endurbætur á leikskólanum við Brekkugötu 2, Siglufirði þann 1. febrúar kl 14:00 í Ráðhúsi Fjallabyggðar.

Tvö tilboð bárust.
Berg ehf 145.357.000 - 118,6% af kostn.áætlun.
Tréverk ehf 166.136.077 - 135,6% af kostn.áætlun.
Kostnaðaráætlun 122.519.995.

Báðir aðilar skiluðu inn frávikstilboði m.v. lengdan verktíma:
Berg ehf 127.551.000 miðað við skil á verki 10.10.2016 - 104,1% af kostn.áætlun.
Tréverk ehf 137.513.531 miðað við skil á verki 15.11.2016 - 112,2% af kostn.áætlun.

Í útboðsgögnum er gert ráð fyrir verklokum 15.08.2016.

Bæjarráð samþykkir að fela bæjarstjóra og deildarstjóra tæknideildar að ganga til samninga við lægstbjóðanda um frávikstilboð.