Fræðslu- og frístundanefnd Fjallabyggðar

Á fund nefndarinnar mætti skólastjóri Leikskóla Fjallabyggðar, Olga Gísladóttir.

Á 19. fundi fræðslu- og frístundanefndar, þann 21.05.2015 frestaði nefndin afgreiðslu á nýjum skráningar- og innritunarreglum Leikskóla Fjallabyggðar til næsta fundar.

Á 20. fundi fræðslu- og frístundanefndar lagði leikskólastjóri áherslu á að ljúka þyrfti yfirferð á innritunarreglum og viðmiðunarreglum fyrir sérkennslu.

Lögð fram drög að nýjum skráningar- og innritunarreglum fyrir Leikskóla Fjallabyggðar.

Fræðslu og frístundanefnd samþykkir drög að skráningar- og innritunarreglum fyrir Leikskóla Fjallabyggðar.

Á fund nefndarinna mætti skólastjóri Leikskóla Fjallabyggðar, Olga Gísladóttir.

Á 19. fundi fræðslu- og frístundanefndar, þann 21.05.2015 frestaði nefndin ákvörðun um starfsreglur um sérkennslu í Leikskóla Fjallabyggðar til næsta fundar.

Á 20. fundi fræðslu- og frístundanefndar lagði leikskólastjóri áherslu á að ljúka þyrfti yfirferð á innritunarreglum og viðmiðunarreglum fyrir sérkennslu.

Lögð fram drög að starfsreglum um sérkennslu í Leikskóla Fjallabyggðar.

Fræðslu- og frístundanefnd samþykkir starfsreglur um sérkennslu í Leikskóla Fjallabyggðar.

Á fund nefndarinnar mætti skólastjóri Leikskóla Fjallabyggðar, Olga Gísladóttir.

410. fundur bæjarráðs, 28. september 2015. vísaði uppfærðri tillögu að viðbyggingu og innri breytingum á núverandi húsnæði leikskóla við Brekkugötu á Siglufirði til fræðslu- og frístundanefndar.

Lögð fram uppfærð tillaga að viðbyggingu og innri breytingum á núverandi húsnæði Leikskóla Fjallabyggðar við Brekkugötu á Siglufirði.

Fræðslu- og frístundanefnd leggur til við bæjarráð að tillaga B verði fyrir valinu og vonast til að framkvæmdir hefjist eins fljótt og kostur er.

Lögð fram umsókn um tímabundna námsvist grunnskólanema utan lögheimilissveitarfélags.

Fræðslu- og frístundanefnd samþykkir umsóknina fyrir sitt leyti og vísar til bæjarráðs.

Lögð fram til kynningar tilnefning í ungmennaráð sem samþykkt var í bæjarstjórn.

Frá Grunnskóla Fjallabyggðar
Tinna Kristjánsdóttir, 10. bekk og Anna Día Baldvinsdóttir 9. bekk.
Til vara Helga Dís Magnúsdóttir, 10. bekk og Árni Haukur Þorgeirsson 9. bekk.

Frá Menntaskólanum á Tröllaskaga
Haukur Orri Kristjánsson og Óskar Helgi Ingvason.
Til vara Elsa Hrönn Auðunsdóttir og Jón Áki Friðþjófsson.

Frá Ungmenna- og íþróttasambandi Fjallabyggðar
Vaka Rán Þórisdóttir.
Til vara Erla Marý Sigurpálsdóttir.

Fræðslu- og frístundanefnd fagnar skipan ungmennaráðs og leggur áherslu á að ráðið verði kallað saman við fyrsta tækifæri.

Lögð fram til kynningar úthlutun á frítímum til aðildarfélaga ÚÍF í íþróttahúsum Fjallabyggðar.

Fræðslu- og frístundanefnd samþykkir úthlutun á frítímum fyrir sitt leyti.

Lögð fram drög að samningi um sálfræðiþjónustu 2015-2016.

Fræðslu og frístundanefnd samþykkir samninginn fyrir sitt leyti.

Lögð fram drög að samningi um greiðslur til foreldra vegna skólaaksturs veturinn 2015-2016.

Afgreiðslu frestað.

Lögð fram umsókn um tímabundna námsvist grunnskólanema við Grunnskóla Fjallabyggðar. Hafnarfjarðarkaupstaður hefur samþykkt að greiða skólakostnað vegna námsvistar samkvæmt viðmiðunarreglum Sambands íslenskra sveitarfélaga.

Fræðslu- og frístundanefnd samþykkir umsóknina.

Lögð fram umsókn um tímabundna námsvist grunnskólanema við Grunnskóla Fjallabyggðar. Reykjavíkurborg hefur samþykkt að greiða sérkennslu og skólakostnað vegna námsvistar samkvæmt viðmiðunarreglum Sambands íslenskra sveitarfélaga.

Fræðslu- og frístundanefnd samþykkir umsóknina.