Bæjarráð Fjallabyggðar

Með fundarboði fylgja drög að samstarfssamningi til fjögurra ára við hestamannafélagið Gnýfara. Samstarfssamningurinn byggir á fyrri samningi sem var til eins árs.

Með fundarboði fylgja drög að samstarfssamningi til fjögurra ára við hestamannafélagið Glæsi. Samstarfssamningurinn byggir á fyrri samningi sem var til eins árs.

Fyrir liggur erindi frá Vélsleðafélagi Ólafsfjarðar þar sem óskað er eftir leyfi til að halda snjókross keppni helgina 7. - 9. mars n.k. innanbæjar í Ólafsfirði.

Með fundarboði fylgir til kynningar undirritaður samningur milli Fjallabyggðar, UÍF og UMFÍ vegna Landsmóts 50 sem haldið verður í Fjallabyggð 27.-29. júní 2025.

Fyrir liggur erindi frá nýstofnuðu félagi, Fuglavinafélagi Siglufjarðar, sem stofnað var í júlí 2024. Fram kemur að tilgangur félagsins sé að stunda fuglaskoðun og bæta aðstöðu til hennar í þágu íbúa Fjallabyggðar og ferðamanna auk þess að efna til samvinnu við skóla í Fjallabyggð. Félagið óskar eftir viðræðum við bæjaryfirvöld síðar á árinu með það að markmiði að Fuglavinafélagið sjái um umönnun varplandanna í Siglufirði.

Fyrir liggur tilkynning frá Sambandi íslenskra sveitarfélaga þar sem fram kemur að kjarasamningur við Landssamband slökkviliðs - og sjúkraflutningamanna hafi verið felldur með 52,65% atkvæða.

Fyrir liggur skýrsla um bráðamengun i Fjallabyggðahöfnum árið 2024 og viðbragðsáætlanir fyrir árið 2025.

Lögð fram vinnuskjöl af stöðufundum með tæknideild.

Með vísan til kynningarfundar innviðaráðuneytisins með framkvæmdastjórnum sveitarfélaga um drög að frumvarpi
um Jöfnunarsjóð sveitarfélaga, sem haldinn var þann 19. febrúar sl., þar sem u.þ.b. helmingur fulltrúa sveitarfélaga
óskaði eftir fresti til að veita umsögn um frumvarpið í samráðsgátt stjórnvalda, hefur ráðuneytið ákveðið að
framlengja samráðsfrestinn til kl. 12:00, miðvikud. 5. mars n.k.