Bæjarráð Fjallabyggðar

Endurnýja þarf færanlegt salernishús sem verið hefur á Rammatúni yfir sumartímann. Fyrir liggur minnisblað deildarstjóra fræðslu-, frístunda- og menningarmáladeildar um málið.

Á 825. fundi bæjarráðs var bæjarstjóra falið að koma með tillögu að uppfærðum gjaldskrám sem tengjast barnafjölskyldum og fólki í viðkvæmri stöðu þar sem hækkanir umfram 3,5% eru leiðréttar. Bæjarstjóra er einnig falið að leita umsagnar ábyrgðarnefndar viðkomandi gjaldskráa og leggja að svo búnu fyrir bæjarráð.

Málið var tekið fyrir á 138. fundi fræðslu og frístundanefndar sem lýsti yfir ánægju sinni með áherslur í leiðréttingu gjaldskráa sem tengjast barnafjölskyldum og fólki í viðkvæmri stöðu. Nefndin samþykkti fyrir sitt leyti og vísar tillögum að leiðréttum gjaldskrám Leikskóla Fjallabyggðar, Grunnskóla Fjallabyggðar og Íþróttamiðstöð Fjallabyggðar til afgreiðslu bæjarráðs.

Málið var einnig tekið fyrir á 154. fundi félagsmálanefndar sem fór yfir gildandi gjaldskrá félagsþjónustunnar og lagði til leiðréttingar skv. bókun bæjarráðs, að undanskildum þeim gjaldskrárliðum sem eru bundnir ákvörðun ríkisins eins og gjaldskrá dagþjálfunar aldraðra og gjaldskrá þriðja aðila sem á við um heimsendann mat sem keyptur er frá HSN.

Uppfærð drög að vinnureglum um gerð fjárhagsáætlunar Fjallabyggðar lögð fram ásamt sameiginlegu minnisblaði deildarstjóra innan stjórnsýslunnar.

Þann 19. febrúar sl. auglýsti Fjallabyggð eftir áhugasömum aðila/aðilum til að halda utan um Trilludaga 2024.
Enginn hefur sóst eftir að halda utan um Trilludaga 2024. Markaðs- og menningarnefnd leggur því til við bæjarráð og bæjarstjórn Fjallabyggðar að sveitarfélagið sjálft sjái um framkvæmd Trilludaga eins og hingað til.

Gildistími þjónustusamnings vegna skólamáltíða fyrir Grunnskóla Fjallabyggðar 2021-2024 rennur út 5. júní 2024. Ákvæði er í samningi um möguleika á framlengingu samnings tvisvar sinnum um eitt ár í senn. Skv. framlögðu minnisblaði telur deildarstjóri fræðslu-, frístunda- og menningarmáladeildar rétt að óska eftir heimild til útboðs á skólamáltíðum fyrir Grunnskóla Fjallabyggðar, til næstu þriggja skólaára, með möguleika á framlengingu samnings um tvisvar sinnum eitt ár í senn.

Deildarstjóri fræðslu-, frístunda- og menningarmála ásamt frístundafulltrúa kynntu og ræddu hugmynd að útfærslu Frístundar á næsta skólaári. Fræðslu- og frístundanefnd leist vel á hugmyndina og vísaði til umræðu í bæjarráði.

Erindi GKS varðandi fjárstuðning til uppbyggingar barna- og unglingastarfs Golfklúbbs Siglufjarðar lagt fram til afgreiðslu.

Keppnin Víkingurinn 2024 er fullbókaður. Kraftamenn þakka Fjallabyggð fyrir sýndan áhuga.

Fundargerðir 154. fundar félagsmálanefndar, 138. fundar fræðslu- og frístundanefndar, 107. fundar markaðs- og menningarnefndar og 310. fundar skipulags- og umhverfisnefndar lagðar fram til kynningar.

Fundargerð 62. fundar stjórnar SSNE lögð fram til kynningar.