Bæjarráð Fjallabyggðar

Deildarstjóri stjórnsýslu og fjármáladeildar mætti til fundarins og fór yfir stöðu mála á deildinni, stöðu fjárhagsáætlanagerðar og fleira.

Drög að samkomulagi um rannsóknir flugslysa og alvarlegra flugatvika milli Rannsóknarnefndar samgönguslysa og brunvarnir/slökkvilið sveitarfélaga lögð fram.
Samkomulaginu er ætlað að tryggja skýrt fyrirkomulag og samstarf við rannsóknir flugslysa og alvarlegra flugatvika svo stuðla megi að því að rannsóknir sé framkvæmdar af kostgæfni og skilvirkni með öryggi í samgöngum að leiðarljósi.

Fjallabyggð hefur hlotið styrk frá Orkusjóði til verkefnisins „Orkuskipti 2023“ sem er átaksverkefni stjórnvalda í samræmi við áherslur um orkuskipti og nýtingu endurnýjanlegrar orku og eru styrkirnir veittir á grundvelli laga, nr. 76/2020, um Orkusjóð. Einnig lögð fram tilboð Ísorku og ON um nýtingu styrksins til uppbyggingar hraðhleðslustöðva í Fjallabyggð.

Deildarstjóri félagsmáladeildar mætti til fundarins og upplýsti um stöðu og þróun verkefnisins og hver reynslan af akstursþjónustunni hefur verið hingað til.

Lagt fram kauptilboð BÓ innréttinga ehf. í fasteignina að Ólafsvegi 4.

Á 805. fundi bæjarráðs var lagt fram erindi Fjallasala ses. og Markaðsstofu Ólafsfjarðar um að setja upp myndir og texta á Norðurgarð hafnarinnar í Ólafsfirði. Á fundinum lagði bæjarráð til að skipuð yrði verkefnastjórn undir forystu Pálshúss þar sem verkefnið yrði skilgreint betur, kostnaður greindur ásamt möguleikum til styrkumsókna. Jafnframt var lagt til að Fjallabyggð myndi leggja til einn fulltrúa í verkefnastjórnina.

Lögð fram umsagnarbeiðni frá Sýslumanninum á Norðurlandi eystra, dags. 19. október 2023. Umsögnin varðar umsókn Gunnars Hreinssonar vegna Lindargötu 20B á Siglufirði um leyfi til reksturs gististaða, flokkur II-C Minna gistiheimili.

Lagt fram erindi Andra Björgvins Arnþórssonar sem beint var til bæjarráðs, þar sem hann gerir grein fyrir þjónustuframboði sínu.

Lögð fram kynning frá LOFTUM um námskeið um "loftslagsmál, losunarbókhald og allt hitt". Námskeiðið er ætlað kjörnum fulltrúm og starfsfólki umhverfis- og skipulagsmála innan SSNE.

Lagt fram minnisblað frá Sambandi íslenskra sveitarfélaga um þátttöku og framlög sveitarfélaga til stafræns samstarfs 2024.

Miðvikudaginn, 29. nóvember mun vísindanefnd um loftslagsbreytingar standa fyrir málþingi um efni nýjustu skýrslu nefndarinnar: Umfang og afleiðingar hnattrænna loftslagsbreytinga og afleiðingar þeirra á Íslandi

Lagt fram samkomulag um skerðingu höfundaréttar um minnisvarðann Síldarstúlkuna.

Lögð fram skýrsla um starf Flugklasans Air66N.

Dreifibréf Öryrkjabandalags Íslands lagt fram.
Á Alþjóðadegi fatlaðs fólks 3. desember ár hvert er kastljósinu beint að baráttu fatlaðs fólks og mikilvægu framlagi þess í samfélaginu. Fatlað fólk er um 15 prósent mannkyns samkvæmt skilgreiningu Alþjóðaheilbrigðisstofnunarinnar eða yfir einn milljarður á heimsvísu. Hér á landi eru þetta um 57.000 manns.
Fram undan er þessi mikilvægi dagur en hann hefur verið haldinn frá árinu 1992 með það að markmiði að efla skilning á málefnum fatlaðs fólks og ýta undir stuðning við reisn, réttindi og velferð þess. Jafnframt að auka vitund um þann ávinning sem hlýst af þátttöku fatlaðs fólks á öllum sviðum samfélagsins - stjórnmála-, félags-, efnahags- og menningarlífs.
Fjólublár er litur alþjóðlegrar réttindabaráttu fatlaðs fólks og óskum við eftir því að Fjallabyggð lýsi upp byggingu sína frá föstudeginum 1. desember til þriðjudagsins 5. desember 2023 og leggi þannig þessari mikilvægu baráttu lið.
Þessari sömu bón verður einnig beint til annarra aðila.