Bæjarráð Fjallabyggðar

Hlusta

791. fundur 23. maí 2023 kl. 08:15 - 10:15 í fjarfundi

Nefndarmenn

S. Guðrún Hauksdóttir varaformaður, D lista
Guðjón M. Ólafsson formaður, A lista
Helgi Jóhannsson aðalmaður, H lista

Starfsmenn

Sigríður Ingvarsdóttir bæjarstjóri
Bragi Freyr Kristbjörnsson deildarstjóri stjórnsýslu og fjármála

Fundargerð ritaði: Bragi Freyr Kristbjörnsson deildarstjóri stjórnsýslu og fjármála

1.Verkefni félagsmáladeildar 2023

Málsnúmer 2302059 Vakta málsnúmer

Deildarstjóri félagsmáladeildar mætti til fundarins undir þessum dagskrárlið og fór yfir helstu verkefni félagsmáladeildar.

Lagt fram til kynningar

Bæjarráð þakkar deildarstjóra fyrir yfirferð á verkefnum deildarinnar.

2.Ferðaþjónusta félagsþjónustu í Fjallabyggð

Málsnúmer 2303093 Vakta málsnúmer

Á 786. fundi bæjarráðs var deildarstjóra félagsmáladeildar falið að leggja fyrir bæjarráð nánari útfærslu vegna ferðaþjónustu félagsþjónustu Fjallabyggðar, t.d. forgangsröðun, greiningu á núverandi notkun og þarfagreining útfærða í samráði við núverandi stofnanir og notendur.
Deildarstjóri félagsmáladeildar fór yfir stöðu verkefnisins.

Samþykkt

Bæjarráð þakkar deildarstjóra fyrir yfirferðina. Bæjarráð samþykkir að stofnaður verði starfshópur um verkefnið. Bæjarráð samþykkir að Guðjón M. Ólafsson, Sigríður Guðrún Hauksdóttir og Helgi Jóhannsson ásamt bæjarstjóra, deildarstjórar félagsmáladeildar og stjórnsýslu og fjármála myndi starfshópinn. Verkefni hópsins verður að tryggja að verkefnið komist á laggirnar og tryggja að kallað verði eftir sjónarmiðum og þjónustuþörf hagaðila og stofnanna sveitarfélagsins. Starfshópurinn skal skila af sér loka tillögum eigi síðar en 25. júní.

3.Lánsumsókn vegna snjóflóðavarna 2022

Málsnúmer 2305051 Vakta málsnúmer

Lögð fram beiðni deildarstjóra stjórnsýslu og fjármála um heimild til að sækja um lán til Ofanflóðasjóðs vegna snjóflóðavarna fyrir árið 2022 að fjárhæð kr. 65.300.000.-

Vísað til afgreiðslu bæjarstjórnar

Bæjarráð samþykkir lánsumsóknina fyrir sitt leyti og vísar henni til fullnaðarafgreiðslu bæjarstjórnar.

4.Framlenging verksamnings um ræstingu í Ráðhúsi Fjallabyggðar

Málsnúmer 2203073 Vakta málsnúmer

Lagt er fram vinnuskjal deildarstjóra stjórnsýslu og fjármála dags. 19. maí 2023 hvar lagt er til við bæjarráð að heimildarákvæði um framlengingu verði nýtt og samningurinn þannig framlengdur til 14. maí 2024.

Samþykkt

Bæjarráð samþykkir tillögu deildarstjóra um að framlengingarákvæði verksamningsins verði nýtt og samningurinn framlengdur um 1 ár til viðbótar.

5.Kynning á lausum lóðum í Fjallabyggð

Málsnúmer 2305054 Vakta málsnúmer

Innkomið erindi Helga Jóhannssonar um auglýsingar á lausum lóðum í Fjallabyggð lagt fyrir fundinn.

Vísað til afgreiðslu starfsmanns

Lagt fram erindi frá Helga Jóhannssyni um auglýsingar á lausum lóðum í Fjallabyggð. Bæjarráð samþykkir að fela markaðs- og menningarfulltrúa að sjá um að lausar lóðir í Fjallabyggð ásamt nýsamþykktum ívilnunum verði auglýstar á áberandi hátt.