Bæjarráð Fjallabyggðar

Undir þessum lið vék Jón Valgeir Baldursson af fundi.

Undir þessum lið sat Ríkey Sigurbjörnsdóttir deildarstjóri fræðslu-, frístunda og menningamála.

Á fundinn mættu Eggert Friðriksson, formaður Menningar- og fræðslunefndar slökkviliðsins í Ólafsfirði og Halldór Guðmundsson. Umsjón með hátíðarhöldum á 17. júní hefur verið í höndum nefndarinnar undanfarin ár.

Farið var yfir drög að nýjum samningi.

Bæjarráð samþykkir að fresta afgreiðslu málsins til næsta fundar.

Lagt fram yfirlit yfir staðgreiðslu útsvars í janúar 2018. Innborganir nema 85.496.527 kr. sem er 114,45% af tímabilsáætlun, sem gerði ráð fyrir 74.703.036 kr.

Lagt fram minnisblað varðandi fasteignagjöld 2018.

Bæjarráð samþykkir eftirfarandi:

Að hámarksafsláttur af fasteignaskatti hjá tekjulágum elli- og örorkulífeyrisþegum verði kr. 65.000.

Að tekjuviðmið vegna afsláttar af fasteignaskatti hjá tekjulágum elli- og örorkulífeyrisþegum verði:

Flokkur Einstaklingar Afsláttur
1. 0 - 2.300.000 100%
2. 2.300.001 - 2.718.000 75%
3. 2.718.001 - 3.136.000 50%
4. 3.136.001 - 3.541.000 25%
5. 3.541.001 0%

Flokkur Hjón/Sambýlisfólk Afsláttur
1. 0 - 3.333.000 100%
2. 3.333.001 - 3.960.000 75%
3. 3.960.001 - 4.587.000 50%
4. 4.587.001 - 5.213.000 25%
5. 5.213.001 0%

Að afsláttarprósenta vegna fasteignaskattsstyrks til félagasamtaka verði óbreytt 100%.

Að fjöldi gjalddaga verði átta, frá 1. mars til 1. október og nái álagning fasteignagjalda á fasteign ekki 35.000 á gjaldanda, sé öll upphæðin innheimt á fyrsta gjalddaga.

Lagt fram til kynningar bréf frá Björgunarsveitinni Tindi, Ólafsfirði, þar sem farið er yfir afstöðu björgunarsveitarinnar vegna myndunar vettvangsliðateymis í Ólafsfirði.
Málið verður tekið fyrir á næsta fundi bæjarráðs og mun formaður björgunarsveitarinnar mæta á fundinn.

Lagt fram til kynningar bréf frá Láru Stefánsdóttur, skólameistara Menntaskólans á Tröllaskaga, þar sem sveitarfélaginu er gert kunnugt um að skólinn er orðinn þátttakandi í Grænum skrefum í ríkisrekstri og er það hluti af umhverfismálum skólans. Vonast er eftir góðu samstarfi við sveitarfélagið, sem er eigandi húsnæðisins sem skólinn er starfræktur í.

Bæjarráð fagnar framtakinu og tekur jákvætt í erindið.

Lagt fram til kynningar erindi frá Sambandi íslenskra sveitarfélaga þar sem kemur fram að sambandið vinni að umsögn um drög að lagafrumvarpi um breytingar á ákvæðum um fiskeldi.
Umsagnarfrestur er til 9. febrúar n.k.

Tekið fyrir erindi frá Samgöngu- og sveitarstjórnarráðuneytinu þar sem óskað er eftir upplýsingum um alla samstarfssamninga sem Fjallabyggð er aðild að. Unnið er að því í ráðuneytinu að afla heildstæðra upplýsinga um samstarfssamninga sveitarfélaga um land allt og leggja mat á hversu vel þeir samræmast kröfum sem gerðar eru til slíkra samninga í lögum. Frestur til að skila upplýsingum er til 1. mars n.k.

Bæjarráð felur deildarstjóra stjórnsýslu og fjármála afgreiðslu málsins.

Allsherjar- og menntamálanefnd Alþingis sendir til umsagnar tillögu til þingsályktunar um þjóðarsátt um bætt kjör kvennastétta, 50. mál.

Lagt fram til kynningar.

Lögð fram til kynningar fundargerð frá 50. fundi fræðslu- og frístundanefndar sem haldinn var 31. janúar 2018.