Umsókn til skipulagsfulltrúa - hliðrun byggingarreits við Skógarstíg 4

Lögð fram umsókn dags. 1.7.2024 þar sem Svanbjörn Thoroddsen sækir um breytingu á deiliskipulagi lóðarinnar Skógarstígs 4. Breytingin felur í sér hliðrun á byggingarreit um ca. 5m til SV og 6m til SA vegna fyrirhugaðrar viðbyggingar. Einnig lagt fram samþykki eigenda Skógarstígs 8 og jákvæða umsögn Minjastofnunar fyrir fyrirhugaðri viðbyggingu. Jafnframt er óskað eftir leyfi til að hefja jarðvegsskipti samhliða því að unnið verði að fullnaðarhönnun og gögnum til umsóknar um byggingarleyfi.

Á síðasta fundi nefndarinnar var umsækjanda heimilað að láta vinna deiliskipulagsbreytingu fyrir lóðina Skógarstíg 4 sem felur í sér hliðrun á byggingarreit. Lögð fram deiliskipulagsbreyting dags. 19.8.2024 unnin af Nordic. Tillagan gerir ráð fyrir hliðrun og byggingarreit og stækkun um 3 m. til suðvesturs og 1 m. til suðausturs.

Á 313. fundi skipulags- og umhverfisnefndar var umsækjanda heimilað að láta vinna deiliskipulagsbreytingu fyrir lóðina Skógarstíg 4 sem felur í sér hliðrun á byggingarreit. Á 314. fundi skipulags- og umhverfisnefndar var lögð fram deiliskipulagsbreyting dags. 19.8.2024 unnin af Nordic. Tillagan gerir ráð fyrir hliðrun og byggingarreit og stækkun um 3 m. til suðvesturs og 1 m. til suðausturs.

Á 314. fundi sínum samþykkti skipulags- og umhverfisnefnd fyrir sitt leyti fyrirlagða breytingu sem telst óveruleg og verður afgreidd skv. 2.mgr. 43.gr. skipulagslaga nr. 123/2010. Fallið verður frá grenndarkynningu þar sem samþykki lóðarhafa við Skútustíg 2 og Skógarstíg 2 og 8 liggja fyrir. Vísað til afgreiðslu bæjarstjórnar.

Enginn tók til máls.