Deiliskipulag Hrannarbyggð 2

Lagðar fram þrjár hugmyndir að útfærslu íbúða á reit Hrannarbyggðar 2.

Á 309. fundi skipulags- og umhverfisnefndar voru lagðar fram þrjár hugmyndir að útfærslu íbúða á reit Hrannarbyggðar 2.
Vísað til afgreiðslu bæjarstjórnar
Nefndin leggur til að unnin verði áfram deiliskipulagstillaga í samræmi við hugmynd nr. 2 og að skipulagsmörk verði útfærð að Bylgjubyggð 2, 2a og 2b.
Enginn tók til máls.

Lögð fram tillaga að nýju deiliskipulagi við Hrannar- og Bylgjubyggð 2. Tillagan samanstendur af uppdrætti dags. 4.4.2024 og greinargerð dags. 5.4.2024. Tilgangur deiliskipulagsins er að ná óbyggðum svæðum inn í skipulag, skilgreina nýjar lóðir með skilmálum fyrir nýbyggingar. Markmiðið er að halda í heildrænt yfirbragð byggðarinnar á svæðinu þannig að nýbyggingar verði hluti af núverandi heild.

Á 310. fundi skipulags- og umhverfisnefndar var lögð fram tillaga að nýju deiliskipulagi við Hrannar- og Bylgjubyggð 2. Tillagan samanstendur af uppdrætti dags. 4.4.2024 og greinargerð dags. 5.4.2024. Tilgangur deiliskipulagsins er að ná óbyggðum svæðum inn í skipulag, skilgreina nýjar lóðir með skilmálum fyrir nýbyggingar. Markmiðið er að halda í heildrænt yfirbragð byggðarinnar á svæðinu þannig að nýbyggingar verði hluti af núverandi heild.

Nefndin samþykkti tillöguna fyrir sitt leyti og leggur til við bæjarstjórn að tillagan verði auglýst í samræmi við 1.mgr. 41. gr. skipulagslaga nr. 123/2010.

Helgi Jóhannsson og Arnar Þór Stefánsson tóku til máls.

Tillaga að deiliskipulagi Hrannarbyggðar 2 var kynnt almenningi með opnu húsi þann 18.06.2024 í samræmi við 4. m.gr. 40. gr. skipulagslaga nr. 123/2010. Tillagan var auglýst í samræmi við 41. gr. sömu laga með athugasemdarfresti frá 08.05.2024 til 27.06.2024. Sex athugasemdir/umsagnir bárust frá; Stjórn Brimnes Hótels ehf., Vegagerðinni, Minjastofnun, Norðurorku, Slökkviliðsstjóra Fjallabyggðar og Jóni Klemenssyni. Samantekt umsagna og svör við þeim er í fylgiskjali V291_Samantekt athugasemda DSK Ólafsfirði 240700.