Tjaldsvæðahús Ólafsfirði - útboð.

Lagt fram vinnuskjal deildarstjóra tæknideildar, dags. 23.04.2021 þar sem óskað er eftir heimild bæjarráðs til þess að halda lokað útboð vegna byggingar á nýju aðstöðuhúsi við tjaldsvæðið í Ólafsfirði.

Eftirtöldum aðilum yrði gefinn kostur á að bjóða í verkið: GJ smiðir ehf, Trésmíði ehf, L7 ehf og Byggingarfélagið Berg ehf..

Lagt fram vinnuskjal deildarstjóra tæknideildar dags. 17.05.2021 þar sem fram kemur að engin tilboð bárust í verkefnið Tjaldsvæðahús Ólafsfirði.

Fram er lagt minnisblað deildarstjóra tæknideildar dags. 30. júlí 2021. Í minnisblaðinu kemur fram að engin tilboð hafa borist í uppsetningu á nýju aðstöðuhúsi á tjaldsvæði í Ólafsfirði.

Undir þessum lið vék Jón Valgeir Baldursson af fundi.

Lagt fram vinnuskjal deildarstjóra tæknideildar dags. 26. janúar 2022 þar sem fram kemur að þann 24. janúar hafi tilboð verið opnuð í verkefnið „Aðstöðuhús við tjaldsvæðið í Ólafsfirði“.

Fjögur tilboð bárust í verkið en eitt þeirra reyndist ógilt.
Eftirfarandi tilboð koma því til álita,
Sölvi Sölvason bauð kr. 23.831.901 og L7 ehf. kr. 23.965.736.
Kostnaðaráætlun hönnuða hljóðar upp á kr. 23.256.140.

Deildarstjóri tæknideildar hefur yfirfarið tilboðin og leggur til að tilboði lægstbjóðanda, Sölva Sölvasonar, verði tekið.

Lögð fram til kynningar fundargerð 1. verkfundar vegna verkefnisins Tjaldsvæðahús Ólafsfirði.

Lögð fram til kynningar fundargerð 2. verkfundar vegna verkefnisins Tjaldsvæðahús Ólafsfirði.