Bæjarráð Fjallabyggðar

Lagt fram vinnuskjal deildarstjóra stjórnsýlu- og fjármáladeildar varðandi skertan opnunartíma á bæjarskrifstofu Fjallabyggðar vegna sumarorlofa starfsmanna í tvær vikur. Skiptiborð og skrifstofa yrði opið frá kl. 10-13 en þjónusta skert.

Helga Helgadóttir vék af fundi undir þessum lið.

Lagður fram ársreikningur Fjallabyggðar 2020.

Lagt fram vinnuskjal slökkviliðsstjóra Fjallabyggðar, dags. 19.04.2021, varðandi nauðsynlega nýliðun slökkviliðsmanna, menntun og búnað. Slökkviliðsstjóri telur afar brýnt að hefja nýliðun í Slökkviliði Fjallabyggðar. Undir það tekur bæjarráð.

Lögð fram drög að samkomulagi Fjallabyggðar og Golfkúbbs Siglufjarðar (GKS) um afnot GKS af afmörkuðu æfingarsvæði á knattspyrnusvæðinu að Hóli sumarið 2021.

Lagt fram vinnuskjal deildarstjóra tæknideildar, dags. 23.04.2021 þar sem óskað er eftir heimild bæjarráðs til þess að halda lokað útboð vegna byggingar á nýju aðstöðuhúsi við tjaldsvæðið í Ólafsfirði.

Eftirtöldum aðilum yrði gefinn kostur á að bjóða í verkið: GJ smiðir ehf, Trésmíði ehf, L7 ehf og Byggingarfélagið Berg ehf..

Lagt fram vinnuskjal deildarstjóra tæknideildar, dags. 23.04.2021 þar sem óskað er eftir heimild til að halda lokaða verðkönnun vegna dúntekju á Leirutanga á Siglufirði. Eftirtaldir aðilar hafa sýnt verkinu áhuga og sent inn gögn samkvæmt auglýsingu tæknideildar og yrði þeim gefinn kostur á að bjóða í verkið: Árni R. Örvarsson, Birkir Ingi Símonarson og Örlygur Kristfinnsson.

Lagt fram til kynningar erindi Eyþórs Björnssonar stjórnarformanns Greiðrar leiðar efh, dags. 21.04.2021, þar sem fram kemur að aukafundur hluthafa í Greiðri leið verður haldinn miðvikudaginn 28. apríl kl. 15:00. Fundurinn verður haldinn í Teams fjarfundi.

Lagt fram erindi Samgöngu- og sveitarstjórnarráðuneytisins, dags. 19.04.2021, þar sem óskað er eftir upplýsingum um fjárhagslega stöðu sveitarfélaga í kjölfar Covid-19. Óskað er eftirfarandi upplýsinga um A-hluta verði skilað til ráðuneytisins:

1. Fjárhagsáætlun með samþykktum viðaukum
2. Yfirlit yfir útsvar fyrstu 4 mánuðina í samanburði við fjárhagsáætlun
3. Yfirlit yfir laun fyrstu 4 mánuðina í samanburði við fjárhagsáætlun
4. Yfirlit yfir fjárhagsaðstoð fyrstu 4 mánuðina í samanburði við fjárhagsáætlun
5. Yfirlit yfir fjárfestingu í varanlegum rekstrarfjármunum fyrstu 4 mánuðina í
samanburði við fjárhagsáætlun

Tilgangur upplýsingaöflunar er sem áður að fylgjast náið með þróun fjármálanna til að tryggja að sveitarfélög geti sinnt mikilvægri nær þjónustu sem þeim er falið samkv. lögum.
Ráðuneytið fer þess á leit að sveitarfélög sendi umbeðnar upplýsingar um fjármál A-hluta eigi síðar en 1. júní nk.

Lagt fram til kynningar erindi Sambands íslenskra sveitarfélaga, dags. 20.04.2021, þar sem fram kemur að Orkufundur á vegum Samtaka orkusveitarfélaga verður haldinn í Ráðhúsi Ölfuss 28. maí undir yfirskriftinni Orka og matvælaframleiðsla. Fundurinn hefst kl 14:30 og er gert ráð fyrir að honum ljúki kl: 17:00.

Lögð fram til kynningar 13. stöðuskýrsla Teymis um uppbyggingu félags- og atvinnumála í kjölfar Covid-19 til ráðgefandi aðila, dags. 23.04.2021.

Lagt fram erindi Stjórnskipunar- og eftirlitsnefndar Alþingis, dags. 21.04.2021 er varðar umsögn um frumvarp til laga um breytingu á lögum um fjármál stjórnmálasamtaka og frambjóðenda og um upplýsingaskyldu þeirra, nr. 162/2006 (gagnsæi, skráning og vinnsla persónuupplýsinga), 668. mál.

Lagt fram erindi Allsherjar- og menntamálanefndar Alþingis, dags. 21.04.2021 er varðar umsögn um tillögu til þingsályktunar um skráða sambúð fleiri en tveggja aðila, 539. mál.

Lagt fram erindi Umhverfis- og samgöngunefndar Alþingis , dags. 23.04.2021 er varðar umsögn um frumvarp til laga um uppbyggingu og rekstur flugvalla og þjónusta við flugumferð, 702. mál.

Lögð fram til kynningar fundargerð 131. fundar Félagsmálanefndar Fjallabyggðar frá 16.04.2021.