Umsókn um leyfi fyrir reykkofa við Brimvelli í Ólafsfirði

Nefndin samþykkir að veita Guðbrandi stöðuleyfi fyrir reykkofa við Brimvelli og staðsetning skal vera í samráði við tæknideild Fjallabyggðar. Tæknideild falið að beina þeim tilmælum til eigenda annarra reykkofa á svæðinu að sækja um stöðuleyfi til bæjarins.

Bæjarráð samþykkti á fundi sínum 26. júní sl. að fresta afgreiðslu þessa máls.

Bréf hefur borist frá félagi húseigenda á Brimvöllum.

Bæjarráð samþykkir að vísa erindinu til úrvinnslu skipulags- og umhverfisnefndar.

Málinu er frestað með vísun í bókun 10. liðar í þessari fundargerð.

Þar sem ekki er gert ráð fyrir reykkofum í deiliskipulagi svæðisins er umsókn um leyfi fyrir reykkofa við Brimvelli hafnað.

Lögð fram tillaga frá Helga Jóhannssyni:
Nú hafa staðið tveir reykkofar vestan við frístundahúsin við Brimvelli í Ólafsfirði um nokkura ára skeið. Engar athugasemdir hafa borist eða kvartanir vegna óþæginda til bæjaryfirvalda vegna þeirra. Með því að hafna umsókn þriðja aðilans um reykkofa og vísað í gildandi deiliskipulag þurfa núverandi reykkofar að víkja. Legg til að stöðuleyfi fyrir þrjá reykkofa verði veitt en þeir færðir í vestur að mörkum deiliskipulagsins. Í millitíðinni verði unnið að því að finna varanlega lausn á málinu, sem gæti verið fólgin í breytingu á núverandi deiliskipulagi.

Tillögunni er hafnað með fjórum atkvæðum (Konráð K. Baldvinsson, Ingibjörg G. Jónsdóttir, Brynja Hafsteinsdóttir, Hjördís H. Hjörleifsdóttir) gegn einu (Helgi Jóhannsson).