Reglur um stuðning við frumkvöðla og fyrirtæki

Samkvæmt 7. gr. reglna um stuðning við frumkvöðla og fyrirtæki sem staðfestar voru á 97. fundi bæjarstjórnar þann 12. febrúar 2014 skal Markaðs- og menningarmálanefnd Fjallabyggðar endurskoða reglurnar árlega, fyrir lok ágústmánaðar og gera tillögur til bæjarráðs.
Samkvæmt gildandi erindisbréfi markaðs- og menningarnefndar frá 3. júlí 2018 hefur nefndin ekki lengur umsjón með málaflokknum. Af þeim sökum eru reglurnar lagðar fyrir bæjarráð.
Deildarstjóri stjórnsýslu og fjármála leggur til að reglurnar verði afnumdar.

Á 823. fundi bæjarráðs var samþykkt að reglur um stuðning við frumkvöðla og fyrirtæki frá 2014 yrðu felldar brott og vísaði þeirri ákvörðun til lokaafgreiðslu bæjarstjórnar.
Reglurnar eiga ekki við í dag í ljósi þess að þau verkefni sem þær taka á falla í dag undir starfssvið Samtaka sveitarfélaga og atvinnuþróunar á Norðurlandi eystra (SSNE) og því óþarft að sveitarfélagið hafi reglur sem skarast á við það.
Helgi Jóhannsson, Tómas Atli Einarsson, S. Guðrún Hauksdóttir, Arnar Þór Stefánsson og Sigríður Ingvarsdóttir tóku til máls.