Nýr skólastjóri Grunnskóla Fjallabyggðar

Ása Björk Stefánsdóttir.

Staða skólastjóra Grunnskóla Fjallabyggðar var auglýst laus til umsóknar 17. maí sl.

Ása Björk Stefánsdóttir hefur verið ráðin í stöðu skólastjóra frá 1. ágúst nk.

Tveir umsækjendur voru um stöðuna.

Ása Björk er með MA í uppeldis og menntunarfræðum með áherslu á stjórnun menntastofnana og diplómu á meistarastigi í kennslufræði háskóla.

Ása Björk var starfandi kennari við Grunnskóla Fjallabyggðar sl. vetur í afleysingu en síðustu þrjú ár var Ása Björk forstöðukona kennslusviðs Háskóla Reykjavíkur. Ása Björk hefur víðtæka reynslu af stjórnun og stefnumótun og hefur m.a. sinnt stöðu verkefnastjóra á Kennslumiðstöð Háskóla Íslands,  fræðslustjóra Isavía og kennsluþjálfun á kennslusviði Háskólans í Reykjavík svo eitthvað sé upptalið. Ása Björk er Grunnskóla Fjallabyggðar vel kunnug og starfaði sem aðstoðarskólastjóri  2018-2019 og áður umsjónarkennari.

Ása Björk er búsett á Siglufirði.

Fjallabyggð býður Ásu Björk velkomna til starfa og þakkar Erlu Gunnlaugsdóttur fráfarandi skólastjóra vel unnin störf.