Orkusalan færði Fjallabyggð, sem og öllum sveitarfélögum á landinu, hleðslustöð fyrir rafbíla í lok árs 2016 þegar Orkusalan fór af stað með verkefnið Rafbraut um Ísland. Alls voru afhentar um 80 stöðvar.
Með þessu er ætlunin að byggja upp net hleðslustöðva um land allt. Það skiptir miklu máli að mögulegt sé að komast í rafhleðslustöðvar sem víðast, því það eykur notkunarmöguleika þeirra sem kjósa að aka um á raf- og tvinnbílum. Það hefur hingað til verið erfitt vegna fárra hleðslustöðva umhverfis landið.
Hefur hleðslustöð nú verið komið fyrir við Ráðhús Fjallabyggðar, nánar tiltekið á norðuhlið hússins næst bílastæðunum.