Hrönn Hafþórsdóttir ráðin forstöðumaður Bóka- og héraðsskjalasafns Fjallabyggðar

Umsóknarfrestur um starf forstöðumanns Bóka- og héraðsskjalasafns Fjallabyggðar var til 10. janúar sl. og sóttu 11 um.

Tveir umsækjendur sem uppfylltu skilyrði um prófgráðu í bókasafns- og upplýsingafræðum voru boðaðir í starfsviðtal. 

Annar þeirra afþakkaði boðið.

Starfsviðtal var tekið við Hrönn Hafþórsdóttur 24. janúar.

Fulltrúar sveitarfélagsins í viðtali voru skrifstofu- og fjármálastjóri, Ólafur Þór Ólafsson og forstöðumaður bóka- og héraðsskjalasafns, Sigríður Halldóra Gunnarsdóttir. Mæltu þau með því að Hrönn yrði ráðin og tók markaðs- og menningarnefnd undir það.

 

Hrönn, sem á ættir að rekja til Siglufjarðar, starfar nú sem deildarstjóri hjá Bókasafni Hafnarfjarðar. Hún mun taka við starfi forstöðumanns þann 1. mars nk.

Fjallabyggð býður Hrönn velkomna til starfa í Fjallabyggð.

 

Mynd: Hrönn Hafþórsdóttir