Fjallabyggð tók formlega á móti sveitarstjórn Runavíkur í Salthúsinu á Siglufirði

Sigríður Ingvarsdóttir, Tórbjörn Jacobsen, borgarstjóri Rúnavíkur, Aníta Elefsen og sendikvinna Færeyja á Íslandi, Halla Nolsoe Poulsen.
Sigríður Ingvarsdóttir, Tórbjörn Jacobsen, borgarstjóri Rúnavíkur, Aníta Elefsen og sendikvinna Færeyja á Íslandi, Halla Nolsoe Poulsen.

"Sveitarstjórn Runavíkur í Færeyjum og sendikvinna Færeyja á Íslandi, Halla Nolsøe Poulsen, heimsóttu Fjallabyggð sl. miðvikudag. Fjallabyggð tók formlega á móti gestunum í Salthúsinu á Siglufirði"

Sigríður Ingvarsdóttir bæjarstjóri og Aníta Elefsen safnstjóri Síldarminjasafnsins tóku á móti gestunum á safninu sl. miðvikudag en gestirnir eru í formlegri heimsókn til vinabæjar Runavíkur, Akureyrar.   Á safninu fengu gestir kynningu á starfsemi safnsins og þeim sýnd safnhúsin.  Að því loknu bauð Fjallabyggð færeysku gestunum og starfsfólki Síldarminjasafnsins til hádegisverðar í Salthúsinu, nýju varðveisluhúsnæði safnsins. Þar kynnti Sigríður, bæjastjóri Fjallabyggðar þeim fjölbreytt atvinnu- og menningarlíf sveitarfélagsins. Með gestunum í för var borgarstjóri Rúnavíkur, Tórbjörn Jacobsen og sendikvinna Færeyja á Íslandi, Halla Nolsoe Poulsen.

Fjallabyggð þakkar færeysku gestunum kærlega fyrir komuna og áhugaverð kynni.