Dagur Leikskólans

6. febrúar er dagur leikskólans og þann dag notar leikskólafólk gjarna til að minna á mikilvægi þessa fyrsta skólastigs og á það merkilega starf sem unnið er í leikskólum landsins.

Rauður þráður í leikskólastarfi er að skipuleggja umhverfi þar sem börnin öðlast þekkingu og færni með eigin uppgötvunum í leik og starfi, innandyra sem utan. Þar ríkir jákvætt og viðurkennandi andrúmsloft og virðing er borin fyrir einstklingnum og getu hans til að læra á eigin forsendum. 

Í Leikskóla Fjallabyggðar fer fram fjölbreytt og skemmtilegt starf, sem hægt er að kynna sér með því að skoða heimasíður leikskólans http://www.leikskolinn.is/leikholar/  og  http://www.leikskolinn.is/leikskalar/ 

Einn þáttur starfsins hjá okkur er að kenna börnunum lífsleikni, sem byggir á dygðum eða ákveðnum grunngildum. Nú þegar höfum við lært um og æft okkur í vinsemd, glaðværð og hjálpsemi og þolinmæði og það er mjög gaman að fylgjast með því hve börnin eru fljót að læra fyrir hvað dygðirnar standa og nota þær í samskiptum sín á milli.  

Á Leikhólum héldum við daginn hátíðlegan með því að draga fána að hún og fara í vettvangsferð um nágrennið til að minna aðeins á okkur.