Fréttir

Vel gengur með bólusetningar gegn Covid 19. Nú er komið að yngri árgöngum og búið að draga út röðun árganga í áframhaldandi bólusetningum. Við viljum biðja ykkur íbúa Fjallabyggðar að vera vakandi yfir þessum boðum og ennfremur að sjá til þess að símanúmerin ykkar séu skráð á ykkar svæði inn á Heilsuvera.is. Ef engin símanúmer eru tengd nafni verður mjög erfitt að boða ykkur.

Ríkislögreglustjóri í samráði við lögreglustjórana á Vesturlandi, Vestfjörðum, Norðurlandi vestri og eystri, hafa ákveðið að aflétta bæði hættu- og óvissustigi vegna hættu á gróðureldum á svæðinu. Nægilega úrkoma hefur fallið sl. daga og hefur sú úrkoma verið nægileg til að aflétta bæði óvissu- og hættustigum. Almannavarnir hvetja þó almenning að fara varlega áfram varlega með opinn eld á gróðursælum stöðum.

Samsýning eldri listamanna í Fjallabyggð - Sólstafir - verður formlega opnuð á þjóðhátíðardaginn 17. júní kl. 13:00 í Ráðhúsi Fjallabyggðar, Gránugötu 24 II hæð, Siglufirði. Sýningin mun standa til 27. júní og verður opin daglega milli klukkan 13:00 og 16:00.

Skemmtileg, glæsileg og fjölbreytt sumardagskrá verður í boði fyrir börn á öllum aldri í sumar hér í Fjallabyggð.

Starfsmenn Köfunarþjónustunnar eru að hefja vinnu við grjóthreinsun (skrotun) þ.e. hreinsa laust grjót á framkvæmdasvæðinu. Meðan á þeirri vinnu stendur eykst grjóthrun niður hlíðina og getur skapa hættu fyrir þá sem leið eiga um svæðið neðan hlíðarinnar. Til að minnka líkur á að fólk sem fer um svæðið verði fyrir grjóti sem hrynur hefur verktakinn sett „vaktmenn“ á gönguslóðann við varnargarðana til að beina umferð gangandi frá aðal hættusvæðinu.

Dagskrá um sjómannadagshelgina í Ólafsfirði hefur nú litið dagsins ljós og má segja að hún sé hin glæsilegasta. Það er Sjómannadagsráð Sjómannafélags Ólafsfjarðar sem hefur haft veg og vanda að gerð dagskrárinnar sem höfðar til fólks á öllum aldri.

Ríkislögreglustjóri, í samráði við lögreglustjóra og slökkviliðsstjórana á Norðurlandi Eystra hafa ákveðið að lýsa yfir óvissustigi almannavarna vegna hættu á gróðureldum. Þessi ákvörðun er byggð á að lítið hefur rignt á svæðinu undanfarið og veðurspá næstu daga sýnir heldur ekki neina úrkomu af ráði. Þetta þýðir að aðeins Austurland, Vestur Skaftafellssýsla og Vestmannaeyjar eru ekki á óvissu- eða hættustigi vegna gróðurelda.

Skráning í Vinnuskóla Fjallabyggðar er hafin. Þeir sem eru fæddir árin 2004, 2005, 2006 og 2007, hafa lögheimili í Fjallabyggð eða hafa stundað nám í Grunnskóla Fjallabyggðar sl. vetur, geta skráð sig í Vinnuskóla Fjallabyggðar. Undantekningu má veita ef foreldri á lögheimili í Fjallabyggð.

Frá og með þriðjudeginum 25. maí eru boðaðar tilslakanir á sóttvarnarreglum. Ný reglugerð leyfir hámarksfjölda á sundstöðum og líkamrsæktarstöðum þó ekki fleiri en 150 manns. Í sundlaugum og líkamsræktarsölum íþróttamiðstöðvar Fjallabyggðar falla því fjöldatakmarkanir úr gildi en áfram þarf að skrá sig í tíma í líkamsræktarsölum, virða 2 metra nándartakmörk og notendur eru beðnir um að sótthreinsa tæki og áhöld að lokinni notkun.

SSNV og SSNE taka þátt í Nýsköpunarvikunni sem fer fram dagana 26. maí til 2. júní. Með þátttöku landshlutasamtakanna er ætlunin að vekja athygli á nýsköpun sem á sér stað á Norðurlandi, meðal annars innan stofnana, fyrirtækja og sprotafyrirtækja. Ætlunin er einnig að kynna þann stuðning sem er í boði fyrir frumkvöðla á Norðurlandi.