Fréttir

Fiskistofa auglýsir eftir umsóknum um byggðakvóta til fiskiskipa skv. ákvæðum reglugerðar nr. 676/2019 um úthlutun byggðakvóta til fiskiskipa á fiskveiðiárinu 2019/2020. Auk reglugerðarinnar er vísað til sérstakra úthlutunarreglna í neðanskráðum byggðalögum sbr. auglýsingu nr. 463/2020 í Stjórnartíðindum.

Nú styttist heldur betur í stuðið, vorboðann ljúfa. Hreyfivika UMFÍ hefst 25. maí næstkomandi og stendur hún til 31. maí. Boðberar hreyfingar í Hreyfiviku UMFÍ eru byrjaðir að undirbúa allskonar viðburði og leiki um allt land og má því búast við gríðarlegu sprikli í vikunni.

Söngkeppni Samfés 2020 hefst á föstudaginn kl.17:00 en þá verða öll atriðin aðgengileg á ungruv.is. Félagsmiðstöðin Neon á fulltrúa í keppninni en það er Ronja Helgadóttir sem keppir fyrir hönd Neons og flytur lagið Russian Roulette með Rihanna.

Sundlaugar Fjallabyggðar hafa verið opnaðar á ný. Opnun lauganna er þó háð þeim takmörkunum að aðeins mega 50 manns vera á laugarsvæði hverrar laugar hverju sinni. Gestir eru benir að virða tveggja metra relguna í afgreiðslu og í búningsklefum og velja skápa og snaga eftir því. Engar hárþurrkur verða í boði á meðan þetta ástand varir.

185. fundur bæjarstjórnar Fjallabyggðar verður haldinn í Ráðhúsi Fjallabyggðar, Gránugötu 24, Siglufirði 20. maí 2020 kl. 17.00

Dagana 18. og 19. maí stendur nemendum á miðstigi til boða að læra skapandi skrif hjá Þorgrími Þráinssyni rithöfundi. Kennslan fer fram milli kl. 9:20-11:20 í sal Sigló Hótels. Námskeiðið er í boði Róberts Guðfinnssonar og eiga nemendur val um það hvort þeir sækja námskeiðið eða taka þátt í hefðbundnu skólastarfi.

Pistill frá bæjarstjóra um endurskoðun framkvæmdaáætlunar.

Vakin er athygli á því að næsti bæjarstjórnarfundur verður miðvikudaginn 20. maí. Samkvæmt venjubundnum fundartíma bæjarstjórnar, sem er annar miðvikudagur í mánuði, hefði næsti fundur átt að vera, þann 13. maí en ákveðið hefur verið að færa hann til 20. maí. Þetta tilkynnist hér með.

Frá því í byrjun árs 2014 hafa sveitarfélögin Dalvíkurbyggð og Fjallabyggð verið í samstarfi er lýtur að því að hafa einn skólastjóra yfir tónlistarskólum sveitarfélaganna og það samstarf hefur gengið ágætlega. Þessi tveir skólar höfðu einnig langa sögu um samnýtingu á tónlistarkennurum í gegnum árin. Í samningi sem var gerður um þetta samstarf var ákvæði þar sem lýst var yfir vilja til frekara samstarfs og jafnvel yrði skrefið stigið til fulls og skólarnir sameinaðir. Í febrúar 2015 var fræðslustjórum sveitarfélaganna falið að hefjast handa við að formgera samning með það að markmiði að Tónskóli Fjallabyggðar og Tónlistarskóli Dalvíkurbyggðar yrðu sameinaðir í einn skóla.

EKKI MISSA AF ICELAND TRAVEL TECH 8. MAÍ Íslenski ferðaklasinn og Ferðamálastofa vilja vekja athygli á ráðstefnuni Iceland Travel Tech sem fram fer í annað sinn á morgun í stafrænum heimi. Iceland Travel Tech er sameiginlegt verkefni Ferðamálastofu og Íslenska ferðaklasans sem miðar að því að auka áherslu á tækni í íslenskri ferðaþjónustu.