Fréttir

Áhöfn Háskólalestarinnar slær upp Vísindaveislu í Menningarhúsinu Tjarnarborg laugardaginn 18. maí nk. frá kl. 12:00-16:00. Vísindaveislan er opin öllum og góð skemmtun fyrir alla fjölskylduna - börn og fullorðna.

Fimmtudaginn 16. maí 2019 kl. 17:00 opnar Eygló Harðardóttir sýningu í Kompunni, Alþýðuhúsinu á Siglufirði. Sýningin er opin til 2. júní og er opin daglega frá kl. 14:00 – 17:00.

Lokaskýrsla Blue Sail um þróun upplifana á Arctic Coast Way/Norðurstrandarleið hefur nú verið birt. Í skýrslunni er að finna samantekt á því starfi sem hefur verið unnið í tengslum við þróun upplifana, en sú vinna fór fram í fimm þrepum frá því í nóvember 2017 og fram í október 2018.

Opnun sýningarinnar Ólafsfjarðarvatn í Pálshúsi Strandgötu 4, Ólafsfirði laugardaginn 18. maí nk. kl. 14:00. Þá er einnig opnuð listsýning Kristins E. Hrafnssonar í Pálshúsi.

Framkvæmdir eru að hefjast á endurnýjun Aðalgötu, milli Grundargötu og Tjarnargötu. Tvístefna verður á Norðurgötu milli Aðalgötu og Eyrargötu á meðan á framkvæmdunum stendur með innkomu frá Eyrargötu sjá nánar á meðfylgjandi korti. Áætluð verklok eru 30. júní 2019. Íbúar eru beðnir velvirðingar á þeim óþægindum sem kunna að verða við framkvæmdina.

Útvarpsstöðin Trölli.is mun útvarpa beint 174. fundi bæjarstjórnar Fjallabyggðar sem haldinn verður í Tjarnarborg Ólafsfirði, kl. 17:00 í dag 8. maí.

Þann 8. júní er Dagur hafsins; World Ocean Day og verður hann haldinn hátíðlegur um allan heim og líka í Fjallabyggð. Tilgangur þessa dags er að fagna og heiðra hafið og draga fram hversu mikilvægt er að passa hafið. Þennan sama dag verður Norðurstrandaleið; Arctic Coast Way opnuð formlega.

174. fundur bæjarstjórnar Fjallabyggðar verður haldinn í Tjarnaborg, Aðalgötu 13, Ólafsfirði 8. maí 2019 kl. 17.00

Skemmtilegt hvernig helgarnar í Fjallabyggð eru stundum stútfullar af menningu og listum en komandi helgi verður einmitt ein slík og er óhætt að fullyrða að allir, ungir sem aldnir munu finna eitthvað við sitt hæfi í Fjallabyggð um helgina.

Húlladúllan er stolt af því að starta hinu heilsueflandi verkefni Fjölskyldusirkushelgar í Eyþingi 2019 í hinni indælu fjallaheimabyggð sinni! Kennt er fyrstu helgina í maí, í 12 klukkustundir alls og er þátttökugjald 2000 krónur. Heimsækið heimasíðu Húlladúllunnar til þess að skrá þáttakendur til leiks: www.hulladullan.is