Fréttir

Nú hefur verið gefin út ný aksturstafla. Hún tekur gildi mánudaginn 30. janúar 2012. Ekki er um miklar breytingar að ræða frá fyrri töflu og gildir hún þar til annað verður tekið fram.

Fjallabyggð óskar eftir tilboðum í stækkun grunnskóla Fjallabyggðar við Tjarnarstíg 3 í Ólafsfirði.

Vegna ferðar félagsmiðstöðvarinnar Neon á söngkeppni Samfés í Skagafirði verður síðasta rútuferðin milli Ólafsfjarðar og Siglufjarðar föstudaginn 27. janúar farin kl. 14:30 frá Ólafsfirði. Eftir það verður ekki um frekari akstur að ræða þann dag.

Þjóðlagahátíðin á Siglufirði verður haldin 4.-8. júlí. Heimasíða Þjóðlagahátíðar:  festival.fjallabyggd.is

Skóla- og frístundaakstur fellur niður í dag, fimmtudaginn 26. janúar vegna versnandi veðurútlits.

 Réttindagæslumaður fatlaðs fólks mun fresta ferðinni á  Ólafsfjörð og Siglufjörð sem átti að vera þriðjudaginn 24. janúar. Hún kemur á Þriðjudaginn 31. janúar.

Ákveðið hefur verið að frístundastyrkur fyrir árið 2012 verði kr. 6.000 eins og á síðasta ári.

Ákveðið hefur verið að framlengja núverandi aksturstöflu um tvær vikur. Taflan verður því óbreytt til og með 27. janúar nk.

Menningarnefnd hefur valið bæjarlistamann Fjallabyggðar 2012. Fyrir valinu varð Guðrún Þórisdóttir (Garún) myndlistarkona í Ólafsfirði.