Fréttir

Frestur rennur út í dag 10. mars til að sækja um styrk til greiðslu fasteignarskatts.

Ragnheiður Jóna Ingimarsdóttir menningarfulltrúi Eyþings verður með viðtalstíma í Ólafsfirði 8. mars kl. 13.00-14.30 á bæjarskrifstofu, 2. hæð. Bæjarbúar sem stefna á menningarviðburði eða verkefni eru hvattir til að mæta og ræða við Ragnheiði vegna styrkumsókna til Menningarráðs Eyþings.

Um helgina fer um 80 manna hópur frá félagsmiðstöðinni Neon til Reykjavíkur að taka þátt í Samfésfestivali í Laugardalshöllinni. Um er að ræða risa stórt ball á föstudagskvöldinu með mörgum af vinsælustu hljómsveitum landsins og söngkeppni Samfés á laugardeginum. Lísa Margrét Gunnarsdóttir verður fulltrúi Neons á söngkeppninni í ár sem sýnd verður beint á skjá einum. Keppninn er kl. 13-16 laugardaginn 5. mars. Að lokum þakka krakkarnir úr félagsmiðstöðinni fyrir frábærar viðtökur bæjarbúa og fyrirtækja í Fjallabyggð, í áheitasöfnun Neons 2011. Takk kærlega fyrir.

Bæjarstjórn samþykkti á fundi sýnum þann 9. febrúar 2011 að auglýsa deiliskipulag fyrir svæði sem  skilgreint  er sem Opið svæði tilsérstakra nota í Aðalskipulagi Fjallabyggðar 2008 - 2028.

Síðastliðinn föstudag útnefndi menningarnefnd, Örlyg Kristfinnsson Bæjarlistamann Fjallabyggðar 2011. Sandra Finnsdóttir formaður nefndarinnar fór yfir það ötula starf sem Örlygur hefur tekið að sér í Fjallabyggð sem safnstjóri, rithöfundur, myndlistarmaður, hönnuður, kvæðamaður og lífskúnstner. Þetta er í annað sinn sem valinn er Bæjarlistamaður Fjallabyggðar og tekur  Örlygur við nafnbótinni af Bergþóri Morthens sem bar titilinn árið 2010. Fjallabyggð óskar Örlygi innilega til hamingju með nafnbótina.

Umsóknarfrestur er til 10. mars 2011