Fréttir

Að gefnu tilefni er bent á að hafinn er áætlunarakstur milli Siglufjarðar og Akureyrar þrjá daga vikunnar.   Hópferðabílar Akureyrar eru með áætlunarakstur milli Siglufjarðar og Akureyrar. á heimasíðu þeirra má sjá aksturstöflu:  Rútan fer fimm daga í viku Ólafsfjörður/Akureyri, en þrjá daga í viku Siglufjörður/Akureyri (er stjörnumerkt) http://hba.is/is/page/aaetlunarferdir

Aðalskipulag Fjallabyggðar 2008-2028 hefur verið samþykkt. Búið er að koma fyrir hnappi hér til vinstri á síðunni til að auðvelda aðgang að skipulaginu, einnig er hægt að sjá það hér: http://www.fjallabyggd.is/is/page/adalskipulag_2008-2028/

Nýja rennibrautin verður opnuð á morgun sunnudag, við sundlaugina í Ólafsfirði. Frítt verður í sund í tilefni dagsins og opið verður frá 10-17. Góða skemmtun. Svæðið verður svo formlega vígt þegar nær dregur vori.

Ármann Viðar Sigurðsson hefur tekið til starfa sem deildarstjóri tæknideildar Fjallabyggðar. Ármann er lærður húsasmiður og byggingartæknifræðingur.  Ármann á fjögur börn (13, 17, 23 og 24 ára) og býr hann í Ólafsfirði ásamt sambýliskonu sinni, Elínu Sigríði Friðriksdóttur. Síðast starfaði hann hjá Háfelli við gerð Héðinsfjarðarganga. Bjóðum við hann velkominn til starfa hjá Fjallabyggð.

Tæknideild Fjallabyggðar óskar eftir tilboðum í snjómokstur og hálkuvarnir í Fjallabyggð 2011 - 2013