Fréttir

Kjörskrá vegna alþingiskosninga, sem fram fara laugardaginn 12. maí nk., liggur frammi á bæjarskrifstofum Fjallabyggðar.

Ferðamál til framtíðar - málþing um ferðamál í DalvíkurbyggðLaugardaginn 21. apríl 2007Dalvíkurskóla Kl. 10.45 Húsið opnað, kaffi á könnunni Kl. 11.00 Kolbrún Reynisdóttir opnar þingið. Ávarp bæjarstjóra, Svanfríðar I. JónasdótturKl. 11.05 Ferðaþjónusta í dreifbýli - Guðrún Þóra Gunnarsdóttir, deildarstjóri ferðamáladeildar Hólaskóla. Kl. 11.30 Kynning frá Markaðsstofu ferðamála á Norðurlandi.Kl. 11.45 Náttúrufar og saga svæðisins – Kristján Eldjárn HjartarsonKl. 12.00 Hádegishlé – kynning á matvælum úr héraði Kl. 12.45 Hagræn áhrif ferðaþjónustu, samlegðaráhrif og tenging við atvinnulíf – Edward H. Huijbens, forstöðumaður Ferðamálaseturs Íslands.Kl. 13.15 Stuttmynd um fjallaskíðamennsku á Tröllaskaga – frá Jökli BergmannKl. 13.30 Heilsutengd ferðaþjónusta - Anna Dóra Hermannsdóttir Kl. 13.45 Unnið í sex umræðuhópum:• Hvaða ímynd viljum við hafa? Hvaða ferðamenn viljum við fá? Samvinna atvinnugreina við markaðssetningu og uppbyggingu ímyndar.• Hvernig nýtum við betur tækifæri sem búið er að benda á? (Fuglalíf, sögu- og menningartengd ferðaþjónusta, skemmtiferðaskip, gönguferðir og fjallamennska og íþróttamót ofl.)• Sjóferðir og hvalaskoðun. Hvað getum við lært af uppbyggingu hvalaskoðunar og sjóferðum frá Húsavík? - Fundur með Edward H. Huijbens.• Hvernig nýtum við okkur tækifæri sem felast í aukinni umferð í gegnum Dalvík þegar Héðinsfjarðargöng opna? • Handverk og ferðaþjónustaKl. 15.00 Kynning á niðurstöðum hópaKl. 16.00 Þingi slitiðMálþingið er öllum opið og eru þeir sem hafa áhuga á ferðaþjónustu á svæðinu hvattir til að mæta og taka þáttNánari upplýsingar má finna á www.dalvik.is og hjá upplýsingafulltrúa Dalvíkurbyggðar í síma 460-4908 eða á netfanginu selma@dalvik.is

Áður auglýstum fundi um Náttúrugripasafnið í Ólafsfirði, sem vera átti á morgun, miðvikudag, í Tjarnarborg, er frestað um óákveðinn tíma fund í Tjarnarborg sem vera átti á morgun, um Náttúrugripasafnið í Ólafsfirði.

Bæjarstjórnarfundi hefur verið frestað um viku til 24. apríl 2007

Þann 26. mars sl. valdi U.Í.Ó íþróttamann Ólafsfjarðar fyrir árið 2006, eða íþróttamenn ársins. Upp kom sú staða að tveir einstaklingar voru alveg jafnir að stigum og engar reglur til um það hvað gera skyldi við þessar aðstæður. Það fór því svo að íþróttamenn Ólafsfjarðar 2006 urðu tveir, en það voru skíðagarparnir Elsa Guðrún Jónsdóttir og Kristján Uni Óskarsson. Óskum við þeim innilega til hamingju

Starf flokksstjóraFjallabyggð auglýsir laus til umsóknar störf flokksstjóra í vinnuskóla Fjallabyggðar (Siglufirði og Ólafsfirði) sumarið 2007.Flokksstjórar hefja störf í byrjun júní og vinna til 17. ágúst. Starf flokksstjóra er gefandi starf með unglingum þar sem verkefni snúast að mestu um fegrun, umhirðu og slátt.Við leitum að hressum, duglegum og samviskusömum einstaklingum sem hafa áhuga á að starfa með unglingum í skemmtilegri útivinnu.Umsóknum vegnar flokksstjóra á Siglufirði skal skilað í Ráðhúsið eigi síðar en 2. maí næstkomandi.Umsóknareyðublöð fást í Ráðhúsinu.Einnig er hægt að prenta þau út frá þessarri slóð:http://www.olafsfjordur.is/olafsfjordur/Umsóknareyðublöð/atninnuumsokn_fjallab.DOCUmsóknum vegna flokksstjóra á Ólafsfirði skal skilað á bæjarskrifstofu eigi síðar en 2. maí næstkomandi.Umsóknareyðublöð fást á bæjarskrifstofunni.Einnig er hægt að prenta þau út frá þessarri slóð:http://www.olafsfjordur.is/olafsfjordur/Umsóknareyðublöð/atninnuumsokn_fjallab.DOCLaunakjör eru skv. Kjarasamningi Fjallabyggðar við Starfsmannafélags Ólafsfjarðar og Verkalýðsfélagið Vöku.Nánari upplýsingar veitir undirritaður á bæjarskrifstofu Fjallabyggðar (Ólafsfirði) virka daga eða í síma 464-9200 (gsm: 863-4369) Gísli Rúnar GylfasonÍþrótta- og æskulýðsfulltrúi

Það verður mikið um að vera í Fjallabyggð um Páskana. Skíðasvæðið í Skarðsdal verður opið alla páskana þar sem í boði verður fjölbreytt dagskrá við allra hæfi, t.d. leikja-, bretta- og skicrossbrautir. Vekjum athygli á Týrólagleði í Skarðinu föstudaginn langa kl. 17:00. Einnig verður nóg um að vera á kvöldin. „Allt frá Óperu til Idol“ í Allanum og Dansleikir miðvikudag, fimmtudag og Laugardag, sjá nánar á heimasíðu BíóCaféEinnig er stefnir Skíðafélag Ólafsfjarðar að því að vera með dagskrá á Lágheiði um páskana, nánar hér Páskadagskrá 2007 Heimasíða Skíðafélags Siglufjarðar

Þjóðlagahátíðin á Siglufirði í áttunda sinnArmensk tónlist, amerískt langspil, tvísöngur og klezmertónlist er á meðal þess sem boðið verður upp á áttundu alþjóðlegu þjóðlagahátíðinni á Siglufirði í sumar. Hún stendur að þessu sinni yfir dagana 4.-8. júlí og munu um eitthundrað listamenn frá sjö löndum koma fram á hátíðinni. Hátíðin ber yfirskriftina Ríma enda munu kvæðamenn kveðast á við erlenda og innlenda tónlistarmenn á tónleikum þar sem gætir ólíkra stílbrigða. Að vanda standa fjölbreytt námskeið gestum hátíðarinnar til boða sem og brúðuleikhús, ganga um Siglufjarðarskarð og vegleg uppskeruhátíð. Á meðal þeirra erlendu listamanna sem skemmta á Þjóðlagahátíð má nefna heimstónlistarflokkinn Andromedu4 og Jerry Rockwell langspilsleikara frá Bandaríkjunum, Armen Babakhanian píanóleikara og söngkonuna Susanna Martirosyan frá Aremeníu, Tríó Hanne Juul frá Svíþjóð, þýska kammerkórinn Cappella con moto, búlgörsku sveitina Narodna Musika og Unni Lövlid þjóðlagasöngkonu og Joachim Kjelsaas Kwetzinsky píanóleikara frá Noregi. Þá koma margir helstu þjóðlagatónlistarmenn okkar Íslendinga fram á hátíðinni, svo sem Bára Grímsdóttir ásamt Chris Foster, Steindór Andersen, Kvintbræður ásamt Mörtu G. Halldórsdóttur og tenórarnir þrír Gissur Páll Gissurarson, Hlöðver Sigurðsson og Þorsteinn Árbjörnsson með Renötu Iván píanóleikara. Þá syngur Kristjana Arngrímsdóttir lög við ljóð Jónasar Hallgrímssonar og Gunnhildur Halla Guðmundsdóttir sellóleikari frumflytur nýtt verk eftir Hafdísi Bjarnadóttur tónskáld ásamt Eriku Södersten á víólu. Þá leikur Sinfóníuhljómsveit unga fólksins píanókonsert eftir armenska tónskáldið John Sarkissian og verk eftir Grieg.Nánari upplýsingar má finna á heimasíðu hátíðarinnar: siglo.is/festival.

FréttatilkynningAlþjóðasamtök leiklistarfólks, ITI, sem er ein af undirstofnunum UNESCO hafa frá 1962 haft 27. mars ár hvert sem Alþjóðlegan leiklistardag. Leiklistarsamband Íslands, sem er Íslandsdeild ITI, hefur frá stofnun sinni haldið upp á þennan dag og fengið hverju sinni málsmetandi listamann úr sínum röðum til að semja ávarp í tilefni dagsins. Að þessu sinni er það brúðuleikhúslistamaðurinn Bernd Ogrodnik, sem hefur búið og starfað á Íslandi síðustu ár og auðgað íslenskt leikhúslíf eftirminnilega.Leikfélag Siglufjarðar tekur virkan þátt í því að opna dyr leikhússins í tilefni dagsins.Við byrjum á því að heimsækja Grunnskólann á Siglufirði þar ætlum við að kynna leikfélagið, og fara í spunaleik með börnunum þannig að þau fái aðeins að kynnast leiklist sjálf. Á sunnudaginn á milli klukkan 14 og 17 verður opið hús hjá okkur og þar ætlum við að taka á móti fólki og sýna salinn okkar og búningageymslu, við ætlum líka að hafa rúllandi myndir á skjá þar sem við eigum margar myndir af leikferlinu síðan í haust þegar við settum upp ,,Látt u ekki deigan síga Guðmundur", eftir þær stöllur Hlín Agnarsdóttir og Eddu Björg vins. Þá ætlar ljósamaðurinn okkar að vera á staðnum og sýna ljósaborðið og svo framveigis. Eflaust verður farið í spuna leiki á meðan húsið er opið.Á þriðjudaginn ætlum við í leikskólann kl: 10.00 og þar ætlum við að leiklesa þr jár barnabækur, það eru bækur um Snuðru og Tuðru eftri Iðunni Steinsdóttir.Um kvöldið á að úthluta styrkjum hjá Menningarsjóð Sparisjóðsins og flytjum við ávarp Alþjóða leiklistardagsins sem að þessu sinni er eftir Bernd Ogrodnik.Nánari upplýsingar veitir Daníel í síma 849-1911

Fréttatilkynning21.mars 2007Laugardaginn 24.mars heldur sveitarfélagið Húnavatnshreppur hugmynda og hvatningarþing um ferðaþjónustu í Austur Húnavatnssýslu. Þingið verður haldið á Húnavöllum og hefst kl. 13:15. Ráðgert er að því ljúki kl 16: 30. Ferðaþjónusta í Austur Húnavatnssýslu hefur farið vaxandi síðustu ár líkt og í öðrum landshlutum. Svæðið er þekkt fyrir fjölbreytta möguleika í stangveiði, frábærar reiðleiðir og aðra útivistarmöguleika. Ein mesta útivistarparadís hálendisins, Hveravellir, er í sýslunni og þar stefna Húnvetningar á uppbyggingu og bætta þjónustu við ferðamenn á næstu misserum. Einnig er menningarferðaþjónustan að sækja á. Heimilisiðnaðarsafnið á Blönduósi, Hafííssetrið í gamla Hillebrandtshúsinu, Kántrýþemað á Skagaströnd, Söguslóð Vatnsdælasögu, Þingeyrakirkja og Klausturstofa eru dæmi um menningarferðaþjónustu sem kveðið hefur að. Mjög áhugaverðir fyrirlesarar munu halda tölu um þá möguleika sem ferðaþjónustan felur í sér. Eftir að sveitarstjóri Húnavatnshrepps setur þingið mun Kjartan Bollason frá ferðamálabraut Hólaskóla fjalla um tækifæri í náttúrutengdri ferðaþjónustu. Þór Hjaltalín mun fjalla um ferðaþjónustuna frá sjónarhóli menningarferðaþjónustu . Elín Aradóttir og Sigurður Steingrímsson frá Imrpru Nýsköðunarmiðstöð munu kynna fyrir gestum þann stuðning sem Impra veitir atvinnulífinu. Inger Helgadóttir á Indriðastöðum í Skorradal mun segja frá sinni reynslu af uppbyggingu og rekstri ferðaþjónustu. Eftir framsöguerindi verða pallborðsumræður. Að hætti Húnvetninga má gera ráð fyrir fjörugum umræðum og efnilegum hugmyndum. Þingið er öllum opið og kaffiveitingar verða í boði Húnavatnshrepps.