Stjórn Hornbrekku

Fundarmenn undirrituðu drengskaparheit um þagnarskyldu.

Erindisbréf stjórnar Hornbrekku lagt fram til kynningar.

Lagður fram til kynningar rammasamningur Sjúkratrygginga Íslands og hjúkrunarheimila. Samningurinn tekur til þjónustu hjúkrunar- og dvalarheimila sem ekki eru með fastar fjárveitingar.

Ársreikningur Hornbrekku hjúkrunar- og dvalarheimilis fyrir árið 2016 lagður fram til kynningar. Hagnaður varð á rekstri stofnunarinnar á árinu 2016 að fjárhæð 3,5 millj. kr. samkvæmt ársreikningi.

Lögð fram samantekt frá Elísu Rán Ingvarsdóttur, hjúkrunarforstjóra og forstöðumanni Hornbrekku um nauðsynlegar úrbætur á aðstöðu og búnaði stofnunarinnar. Hjúkrunarforstjóri hefur forgangsraðað þeim búnaði og tækjum sem þarfnast helst endurnýjunar við. Þegar hafa verið gerðar ráðstafanir til endurnýjunar á þeim tækjum sem orðin voru ónothæf. Í máli Elísu kom einnig fram að fara þarf yfir vinnufyrirkomulag og verkferla innan stofnunarinnar. Í þessu sambandi fór Elísa yfir helstu áhersluatriði í tillögum vinnuhóps starfsmanna Hornbrekku um úrbætur í starfi og aðstöðu stofnunarinnar. Samþykkt er að boða vinnuhópinn á næsta fund stjórnar.
Stjórn Hornbrekku samþykkir að fara í vettvangsferð á Hornbrekku.