Skipulags- og umhverfisnefnd Fjallabyggðar

Íbúar við Þormóðsgötu og Hvanneyrarbraut á Siglufirði senda inn erindi er varðar áhyggjur þeirra af hraðakstri sem á sér stað á Þormóðsgötu. Segja þeir að ekki sé einungis um hefðbundna umferð íbúa að ræða, heldur einnig umferð stærri og þyngri ökutækja sem aki þá oft hraðar en eðlilegt getur talist. Þá sé gatan vinsæl hjá ökumönnum mótorhjóla og ungum ökumönnum sem gaman hafa af hraðakstri. Vegna þess að mikið er um börn að leik og fótgangandi umferð á sumrin sé eðlilegt að gerðar verði ráðstafanir áður en slys eiga sér stað. Vilja þau þess vegna að gripið verði til aðgerða til þess að draga úr slysahættu og umferðarhraða, meðal annars með uppsetningu hraðahindrana.

Nefndin þakkar ábendinguna og bendir á að málið verður skoðað í vinnslu umferðaröryggisáætlunar Fjallabyggðar.

Þórir Kr. Þórisson fyrir hönd 580 slf. sækir um leyfi til þess að setja upp skilti á ljósastaura á gatnamótum Lindargötu og Hverfisgötu og í beygjunni þar sem Hverfisgata og Hávegur mætast, samkvæmt meðfylgjandi teikningu.

Erindi samþykkt.

Magnús Tómasson fyrir hönd Slysavarnafélagsins Landsbjargar og Björgunarsveitarinnar Stráka óskar eftir leyfi til þess að fjarlægja slysavarnarskýlið sem stendur innan við Mánárskriður. Með betri samgöngum og aukinni útbreiðslu símasambands hefur Slysavarnafélagið Landsbjörg á undanförnum árum verið að fækka þessum skýlum.

Erindi samþykkt.

Bjarmi Sigurgarðarsson fyrir hönd Vélfags ehf. sækir um að stækka iðnaðarlóðina við Múlaveg 18 í Ólafsfirði til norðurs, samkvæmt meðfylgjandi teikningu.

Samkvæmt gildandi aðalskipulagi Fjallabyggðar 2008-2028 er svæðið sem fyrirhuguð stækkun lóðarinnar er áætluð á, skilgreint sem íbúðarsvæði. Því er ljóst að breyta þarf aðalskipulaginu svo hægt sé að heimila stækkun lóðarinnar.

Nefndin samþykkir erindið og felur tæknideild að breyta aðalskipulagi í samræmi við fyrrnefnda umsókn.

Marteinn Haraldsson sækir um lóð undir bátaskýli við Innri höfnina á Siglufirði.

Nefndin samþykkir að úthluta honum lóð að Vesturtanga 7.

Valtýr Sigurðsson fyrir hönd húsfélagsins að Norðurgötu 4b Siglufirði sækir um leyfi til að klæða húsið, samkvæmt meðfylgjandi umsókn.

Nefndin samþykkir erindið með fyrirvara um að fullnægjandi gögnum verði skilað inn til tæknideildar Fjallabyggðar.

Börkur Þór Ottósson sækir um, fyrir hönd lóðarhafa Bylgjubyggðar 22 Ólafsfirði, leyfi fyrir viðbyggingu við íbúðarhúsið.

Fyrir liggur skriflegt samþykki eigenda Bylgjubyggðar 20 og Ægisbyggðar 1.

Erindi samþykkt.

Skipulagsstofnun óskar eftir umsögn um tillögu að landsskipulagsstefnu 2013-2024 og umhverfisskýrslu. Umsagnir þurfa að hafa borist Skipulagsstofnun eigi síðar en 20. nóvember 2012.

Lagt fram til kynningar.

Lögð fram til kynningar sala á jörðinni Kvíabekk í Ólafsfirði.