Skipulags- og umhverfisnefnd Fjallabyggðar

Sigurjón Magnússon óskar eftir leyfi til að framlengja leyfi fyrir geymslugám sem staðsettur er á lóð Brimnes, ofan og austan við skemmu.

Erindi samþykkt og leyfi veitt til 31. maí 2013

Umhverfisfulltrúi hefur unnið hugmyndir að verkefnum fyrir opin svæði í Fjallabyggð.

Nefndin fór yfir tillögur umhverfisfulltrúa að verkefnum á opnum svæðum í Fjallabyggð og tekur vel í þær. 

Tæknideild f.h. umhverfis- og skipulagsnefndar óskaði eftir umsögn sýslumanns um hvort skilti sem Valgeir T. Sigurðsson sótti um að fá að setja á gafl hússins að Tjarnargötu 14, Siglufirði standist reglugerð um bann við áfengisauglýsingu.

Umsögn hefur borist frá sýslumanni þar sem sýslumaður telur að erindið eigi ekki undir embættið.

Nefndin vísar erindinu til lögreglustjóra.

Unnið er að gerð skilti sem sett verður upp við snjóflóðagarðinn á Ólafsfirði.

Nefndin felur umhverfisfulltrúa að klára vinnu við texta vegna útivistasvæðis.

Sigurjón Magnússon óskar eftir að fá úthlutað lóð nr. 1 í frístundabyggðinni í landi Hólkots og að aðkoma inn á lóðina verði að sunnanverðu.  Einnig er óskað eftir leyfi til að setja niður frístundahús á lóðinni, sem er hæð og ris gamla íbúðarhússins að Vatnsenda í Ólafsfirði.

Nefndin samþykkir að úthluta lóðinni undir umrætt hús en hafnar varanlegum afleggjara að sunnanverðu sem ekki er á skipulagi.

Svanhildur Björnsdóttir fer fram á að stoðveggur sem er á lóðarmörkum Hlíðarvegar 9 og Hólavegar verði endurbyggður sem fyrst.  Veggurinn er mjög illa farinn og við það að brotna inn í garðinn að Hlíðarvegi 9, skv. meðfylgjandi myndum.

Nefndin felur tæknideild að kanna málið með hliðsjón af reglum um stoðveggi í Fjallabyggð.

Helgi Reynir Árnason óskar eftir leyfi til að byggja sólpall við hús sitt að Ólafsvegi 1-3 samkvæmt meðfylgjandi teikningu.

Erindi samþykkt.

Arnar Óli Jónsson óskar eftir leyfi til að byggja sólpall við hús sitt að Hlíðarvegi 13 samkvæmt meðfylgjandi teikningu.

Erindi samþykkt.

Gunnlaugur Ingi Haraldsson óskar eftir leyfi til að byggja sólpall við hús sitt að Gunnólfsgötu 2 samkvæmt meðfylgjandi teikningu.

Erindi samþykkt.

Hestamannafélagið Gnýfari óskar eftir að byggingarreitur að Faxavöllum 2, Ólafsfirði þar sem félagið mun reisa reiðskemmu verði færður átta metra til austurs.

Erindi samþykkt.

Lagt fram til kynningar.