Skipulags- og umhverfisnefnd Fjallabyggðar

Guðný Róbertsdóttir sendi inn erindi þar sem hún óskar eftir því við skipulags- og umhverfisnefnd að haldið sé í heiðri þeirri stefnu um friðun Leiranna og votlendisins í Siglufirði sem bæjarstjórn staðfesti árið 1998.  Guðný beinir því til bæjaryfirvalda að leyfa ekki undir neinum kringumstæðum beit hrossa þarna á þessu viðkvæma svæði.  Girðingin sem ávallt hefur verið kringum gamalt ræktarland og náð að hinu eiginlega mýrlendi á Langeyrinni hefur nú verið færð út á friðlandið og afleiðingin er mjög greinileg.

Nefndin fer fram á að mörk úthlutaðra beitarhólfa verði virt og felur tæknideild að fylgja málinu eftir.

Lagðar eru fram teikningar af viðbyggingu við grunnskóla Fjallabyggðar í Ólafsfirði til samþykktar.

Erindi samþykkt.

Hlynur Jónsson Arndal eigandi Hverfisgötu 21, Siglufirði óskar eftir leyfi til að gera breytingar á húseign sinni skv. meðfylgjandi teikningum.

Erindi samþykkt.

Veðurstofa Íslands hefur unnið drög að hættumati fyrir skíðasvæðið í Skarðsdal á Siglufirði og tillögu að hættumatskorti.

Leggur nefndin það til að drögin ásamt hættumatskorti verði auglýst samhliða deiliskipulagi fyrir Hóls- og Skarðsdal.

Nefndin samþykkir að setja hættumat fyrir skíðasvæði í Skarðsdal í auglýsingu.

Hanna Björnsdóttir fyrir hönd RSK óskar eftir leyfi til að setja upp merkingu á húsnæði Ríkisskattstjóra að Túngötu 3, Siglufirði skv. meðfylgjandi ljósmynd.

Erindi samþykkt.

Lagðar eru fram teikningar af breytingum á húseigninni Hvanneyrarbraut 22b, Siglufirði til samþykktar.

Erindi samþykkt.

Þorvaldur Hreinsson fulltrúi Hestamannafélagsins Gnýfara mætti á fundinn til að ræða málefni er varða reiðleiðir.

Nefndin samþykkir að breyta merkingu reiðleiða á Aðalskipulagi við Kleifarveg og Ósbrekku og merktar verði gamlar reiðleiðir um Fossabrekkur og Fossdal.

Samgönguráð sendi inn auglýsingu um umhverfismat á tillögu að samgönguáætlun 2011-2022 til kynningar í samræmi við lög nr. 105/2006 um umhverfismat áætlana.  Frestur til að gera athugasemdir við umhverfismatið er til og með 4. nóvember 2011.

Nefndin gerir ekki athugasemdir við umhverfismat á tillögum að samgönguáætlun 2011-2022

Dúi J. Landmark eigandi Þormóðsgötu 20, Siglufirði óskar eftir framkvæmdar-/byggingarleyfi fyrir breytingar á húseign sinni skv. meðfylgjandi teikningu.

Erindi samþykkt

Stefán Örn Stefánsson arkitekt fyrir hönd Siglufjarðarkirkju sækir um leyfi til að reisa klukkustöpul skv. meðfylgjandi uppdráttum.  Stöpullinn hefur þegar verið smíðaður og málaður og verður reistur á steyptri undirstöðu sem næst þeim stað, þar sem gamla kirkjan á Hvanneyrarhól mun hafa staðið.

Erindi samþykkt.

Lagt var fram til kynningar tillögur að breytingum / lagfæringum að umferðarmerkjum í Fjallabyggð sem unnið var af Jóni Árna Konráðssyni lögreglumanni að beiðni skipulags- og umhverfisnefndar Fjallabyggðar.

Lagt var fram til kynningar erindi  frá Skipulagsstofnun varðandi matslýsingar vegna tillögu að deiliskipulagi útivistarsvæðis í Hóls- og Skarðsdal, Fjallabyggð.

Lagt var fram til kynningar erindi frá Umhverfisráðuneytinu varðandi vinnu við útgáfu landsáætlunar um meðhöndlun úrgangs og innleiðingu á rammatilskipun um úrgang.  Sveitarfélaginu gefst kostur á að koma að umræddri vinnu og eru fulltrúar umhverfisráðherra reiðubúnir að funda með fulltrúum sveitarfélagsins.

Lögð var fram til kynningar tillaga að samþykkt um kattahald í Fjallabyggð.