Skipulags- og umhverfisnefnd Fjallabyggðar

Á fundinn mætti Halldór Jóhannsson frá Teikn á lofti og fór yfir tillögu að deiliskipulagi fyrir Snorragötu, Siglufirði.

Samþykkt er að tillaga að deiliskipulagi fyrir Snorragötu fari í auglýsingu í samræmi við framlögð gögn, bæjarstjóra er falið að auglýsa skipulagið í samræmi við umræður á fundi, skv. 25. gr. laga nr. 73/1997.

Jón Jónasson Túngötu 39, Siglufirði óskar eftir leyfi til að setja glugga (60x140cm) á norðurgafl viðbyggingar á húseign sinni.

Fagnefnd fagnar framkominni hugmynd en telur nauðsynlegt að fá byggingarnefndarteikningar samkvæmt byggingareglugerð.

Samband Íslenskra Sveitarfélaga sendi inn erindi þar sem óskað er eftir afstöðu samstarfsaðila til þess að áframhald verði á verkefni um hagsmunagæslu í úrgangsmálum næstu 3 árin, þ.e. frá 1. janúar 2011 til 31. desember 2013. Jafnframt er lögð fram sú breyting á fjármögnun verkefnisins að samstarfsaðilar á sviði úrgangsmála greiði 50% af kostnaði við stöðu verkefnisstjóra.

Við nánari skoðun telur nefndin eðlilegt að vísa málinu til bæjarráðs.

Jóhann Gunnar Stefánsson framkvæmdarstjóri fyrir hönd Háfells óskar eftir heimild Fjallabyggðar að mannvirki í eigu Háfells fái að standa á athafnasvæði verktaka fram til 31. maí 2011.   Mannvirki sem um ræðir eru svefnskáli og eldhús sem enn standa syðst á athafnasvæði verktaka á Ólafsfirði ásamt skrifstofuhúsnæði á flugvellinum á Siglufirði.

Erindi samþykkt.

Jóhann Gunnar Stefánsson verkefnissjóri fyrir hönd VK verktaka óskar eftir heimild Fjallabyggðar að 600 fermetra stór skemma sem fyrirtækið keypti af Háfelli fái að standa á athafnasvæði verktaka til 31. maí 2011.

Erindi samþykkt.

Einar Baldvinsson fyrir hönd BSI sendir inn erindi þar sem bent er á kröfu um árlega aðalskoðun á leikvallartækjum og leiksvæðum samkvæmt reglugerð 942/2002.  Þar sem það er krafa að löggiltur fagaðili framkvæmi umrædda skoðun. Bíður BSI Fjallabyggð þjónustu sína á þessu sviði.

Nefndin felur tæknideild að leita eftir tilboðum í verkefnið til næstu 3 ára.

Iðnaðarnefnd Alþingis sendir til umsagnar tillögu til þingsályktunar um olíu- og gasrannsóknir á landgrunni Íslands undan Norðausturlandi.   "Alþingi ályktar að fela iðnaðarráðherra að tryggja að nú þegar verði hafnar makvissar rannsóknir á því hvort olía eða gas finnst á landgrunni Íslands undan Norðausturlandi.  Leitað verði samstarfs við erlenda aðila um rannsóknir eftir því sem við á og við staðarval verði stuðst við fyrri rannsóknir."

Nefndin gerir ekki athugasemd við tillöguna.

Ferðamálastofa auglýsir styrki til úrbóta í umhverfismálum fyrir árið 2011.  Sérstök áhersla verður lögð á öryggismál á ferðamannastöðum, verkefni þar sem heildrænt skipulag og langtímamarkmið eru höfð að leiðarljósi og aðgengi fyrir alla.

Nefndin felur umhverfisfulltrúa að sækja styrki til úrbóta á ferðamannastöðum.

Farið yfir hugmyndir að framkvæmdum fyrir næsta ár. Fram komu hugmyndir frá tæknideild, umhverfisfulltrúi fór yfir tillögur að verkefnum á opnum svæðum og nefndarfólk kom með hugmyndir.

Lögð er fram tillaga að deiliskipulagi fyrir frístundasvæði vestan óss í Ólafsfirði.

Margar ábendingar komu fram og er tæknideild falið að koma ábendingum til hönnuða og óskað er eftir að greinagerð og uppdráttur liggi fyrir á næsta fundi.

Bæjarstjóri og formaður gerðu grein fyrir viðtölum við þá sjö umsækjendur sem nefndin gerði tillögu að.   Viðræðuhópurinn telur tvo umsækjendur standa öðrum framar að hinum ólöstuðum, nefndin mælir með við bæjarstjórn að Ármann Viðar Sigurðsson verði ráðin í starf deildarstjóra tæknideildar.

Samþykkt einróma.

Lagt fram til kynningar og verður tekið til afgreiðslu á næsta fundi.

Lagt fram til kynningar og verður tekið til afgreiðslu á næsta fundi.