Skipulags- og umhverfisnefnd Fjallabyggðar

Auðun Pálsson og Birgir Kristjánsson frá Íslenska Gámafélaginu mættu á fundinn, kynntu fyrirtækið og starfsemi þess í sveitafélaginu.

Guðrún Pálsdóttir fyrir hönd AFL sparisjóðs óskar eftir að húsnæði að Aðalgötu 15, Siglufirði sem skráð er skrifstofa, verði skráð sem íbúð.

Erindið samþykkt með fyrirvara um að fyrir liggi teikningar sem uppfylla kröfur sem gerðar eru til íbúðahúsnæðis.

Theodór Ottósson eigandi húseignar að Hólavegi 11, Siglufirði vill vekja athygli á útliti og ástandi hússins að Hólavegi 12 og kanna hvort Skipulags- og umhverfisnefnd hafi uppi áform um aðgerðir til úrbóta á fasteigninni.

Nefndin felur tæknideild að hefja aðgerðir til úrbóta á þessari húseign sem og öðrum sem svipað er ástatt fyrir.

Kolbrún Eggertsdóttir sendir inn erindi þar sem hún óskar eftir að fá að hafa gám sem staðsettur er á lóð hennar á lóðinni þar til bílskúr er sem fyrirhugað er að reisa verði tilbúin.

Nefndin hafnar erindinu og gefur eiganda gámsins 2 mánuði til að fjarlægja gáminn af lóð sinni.  Hafi gámur ekki verið fjarlægður 1. desember 2010 verður hann fjarlægður á kostnað eiganda.

Skipulags og umhverfisnefnd fór á Siglunes, 10. september, til að skoða aðstæður á nesinu með tilliti til opnunar námu.

Er það niðurstaða nefndarinnar að svæði fyrir námu á Siglunesi verði tekið út úr aðalskipulagi Fjallabyggðar 2008-2028, þar sem svæðið er á nátturuminjaskrá.   Þrátt fyrir það er nefndin ekki mótfallin sjóvörnum við Siglunes en telur að  leita þurfi annarra leiða til efnistöku vegna sjóvarna.

Stefán Einarsson sendi inn fyrirspurnir varðandi grjótvarnir á Siglunesi og stöðu mála varðandi byggingarframkvæmdir á malarvelli við Túngötu.

Varðandi grjótvarnir á Siglunesi er vísað í bókun 5. liðar þessa fundar, en varðandi byggingarframkvæmdir á malarvelli er vísað í bókun 95. fundar nefndarinnar.

Daníel Guðjónsson yfirlögregluþjónn á Akureyri hafði samband vegna lagningu bíla austan megin í Túngötu við Samkaup.

Nefndin leggur það til að á umræddu svæði við Túngötu verði merkt bílastæði og verði þau skilgreind sem skammtímabílstæði.

Lagt er til að umhverfisfulltrúi fari á fundinn.

Bjarkey Gunnarsdóttir fyrir hönd Höllin veitingastaður óskar eftir að fá að setja niður upplýsingarskilti í Ólafsfirði, austan við brúnna.

Nefndin hafnar erindinu og leggur til að unnið verði að stefnumótun varðandi þjónustuskilti í sveitafélaginu.