Skipulags- og umhverfisnefnd Fjallabyggðar

Nefndarmenn byrjuðu fundinn á vettvangsferð við Selgil.

Lögð fram að nýju tillaga að óverulegri breytingu á deiliskipulagi Tjarnargötu 12 sem er hluti af deiliskipulagi hafnarsvæðis frá 15.4.1998. Breytingin felur í sér stækkun byggingarreits að hluta til austurs og settir fram skilmálar um hámarkshæð og nýtingarhlutfall. Engar athugasemdir voru gerðar við tillöguna sem grenndarkynnt var aðliggjandi lóðarhöfum í samræmi við 2.mgr. 43.gr. skipulagslaga nr.123/2010.

Lögð fram skipulagslýsing sem er upphaf vinnu við deiliskipulag íþróttasvæðis í Ólafsfirði.

Lögð fram að nýju umsókn Síldarminjasafns Íslands um stöðuleyfi fyrir stýrishús á lóðinni Snorragötu 20.

Lögð fram umsókn dagsett 19. ágúst 2019 þar sem Ármann V. Sigurðsson og Elín S. Friðriksdóttir sækja um byggingarleyfi fyrir einbýlishús við Mararbyggð 41 í Ólafsfirði.

Lögð fram umsókn um byggingarleyfi dagsett 16. ágúst 2019 þar sem Röggur fasteignafélag ehf. sækir um leyfi til að skrá íbúðir í húsi við Eyrargötu 27 á tvö fastanúmer. Í dag eru íbúðirnar skráðar á eitt fastanúmer.

Lögð fram umsókn dagsett 3.september 2019 þar sem Rúnar Gunnarsson sækir um byggingarleyfi fyrir bílskúr við Ólafsveg 48 auk stækkun lóðar um 8 metra til austurs.

Lagt fram erindi Kristjáns Haukssonar f.h. Skíðafélags Ólafsfjarðar dagsett 20. ágúst 2019. Óskað er eftir leyfi til að stækka flöt sem hefur verið notuð sem marksvæði/leikvangur í skíðagöngubraut félagsins undanfarin ár. Einnig er óskað eftir leyfi til að reisa nýjan lyftuskúr við toglyftuna í Tindaöxl skv. meðfylgjandi teikningum.

Lagt fram að nýju erindi Láru Stefánsdóttur f.h. Menntaskólans á Tröllaskaga þar sem óskað er eftir framtíðarsvæði nærri skólanum til gróðursetningar.

Lagt fram erindi Gests Þórs Guðmundssonar þar sem hann bendir á illa farinn veg meðfram sjóvarnargarði norðan Ránargötu á Siglufirði. Lagt er til að vegurinn verði lokaður og breytt í göngustíg.