Tjarnargata 12 - umsókn um breytingu á deiliskipulagi

Lagt fram erindi Odds Víðissonar hjá DAP arkitektum fyrir hönd Olíuverslunar Íslands, dagsett 13. júní 2019. Óskað er eftir leyfi til breytinga á deiliskipulagi lóðarinnar Tjarnargötu 12, Siglufirði vegna fyrirhugaðrar viðbyggingar og breyttu fyrirkomulagi á lóð við núverandi söluskála Olís.

Lögð fram tillaga að óverulegri breytingu á deiliskipulagi Tjarnargötu 12 sem er hluti af deiliskipulagi hafnarsvæðis frá 15.4.1998. Tillagan er unnin af DAP arkitektum f.h. Olís hf. Breytingin felur í sér stækkun byggingarreits að hluta til austurs og settir fram skilmálar um hámarkshæð og nýtingarhlutfall.

Lögð fram að nýju tillaga að óverulegri breytingu á deiliskipulagi Tjarnargötu 12 sem er hluti af deiliskipulagi hafnarsvæðis frá 15.4.1998. Breytingin felur í sér stækkun byggingarreits að hluta til austurs og settir fram skilmálar um hámarkshæð og nýtingarhlutfall. Engar athugasemdir voru gerðar við tillöguna sem grenndarkynnt var aðliggjandi lóðarhöfum í samræmi við 2.mgr. 43.gr. skipulagslaga nr.123/2010.