Skipulags- og umhverfisnefnd Fjallabyggðar

Lögð fram umsókn dagsett 9. mars 2019 þar sem Eiríkur Pálmason óskar eftir leyfi fyrir viðbyggingu við bílskúr að Hrannarbyggð 7 samkvæmt meðfylgjandi teikningu eftir Kristján Eldjárn Hjartarson byggingafræðing. Einnig lagt fram samþykki nágranna að Hrannarbyggð 5.

Lögð fram umsókn dagsett 10. apríl 2019 þar sem Kristján Hauksson óskar eftir leyfi fyrir viðbyggingu við frístundahús sitt samkvæmt meðfylgjandi teikningum eftir Gísla G. Gunnarsson byggingafræðing.

Lagt fram erindi dagsett 23. apríl 2019 þar sem Gestur Hansson f.h. Top Mountaineering óskar eftir leyfi fyrir útlitsbreytingum á gám við Norðurtanga.

Lagt fram erindi dagsett 29. apríl 2019 þar sem Heimir Ingi Grétarsson f.h. Sápuboltans ehf. óskar eftir leyfi til að halda sápuboltamótið á túninu norðan við Olís í Ólafsfirði.

Lagt fram erindi dagsett 30. mars 2019, þar sem húseigendur Hvanneyrarbrautar 28 óska eftir stækkun lóðarinnar til austur skv. meðfylgjandi uppdrætti. Einnig er óskað eftir endurnýjun lóðarleigusamnings. Lagður fram nýr lóðarleigusamningur ásamt lóðarmarkayfirlýsingu og lóðablaði.

Lögð fram umsókn um endurnýjun lóðarleigusamnings Hlíðarvegar 31, dagsett 11. apríl 2019. Einnig lögð fram drög að nýjum samning og lóðarmarkayfirlýsingu ásamt samþykki aðliggjandi lóðarhafa.

Lögð fram umsókn um endurnýjun lóðarleigusamnings fyrir laugarveg 25, dagsett 12. apríl 2019. Einnig lögð fram drög að nýjum samning og lóðarblaði.

Lögð fram drög að nýjum lóðarleigusamning ásamt lóðarblaði vegna skiptingu eignarhalds Ríkiseigna og Fjallabyggðar.

Lagt fram erindi Gunnars L. Jóhannssonar dagsett 24.apríl 2019. Óskað er eftir umsögn nefndarinnar vegna landskipa Hlíðar 3 úr jörðinni Hlíð og Litlu-Hlíðar úr lóðinni Hlíð 3. Eigandi Litlu-Hlíðar eftir landskiptin hyggst reisa þar frístundahús.

Lagt fram erindi Láru Stefánsdóttur dagsett 4. apríl 2019 þar sem bent er á mengun í tjörninni í miðbæ Ólafsfjarðar, vegna snjómoksturs.

Lagt fram erindi Helga Jóhannssonar, nefndarmanns Skipulags- og umhverfisnefndar, dagsett 29. apríl 2019 þar sem óskað er eftir því að vinnubúðir á gamla flugvellinum í Ólafsfirði verði fjarlægðar.

Lagt fram erindi Hildar Gyðu Ríkharðsdóttur f.h. Hallarinnar veitingahúss dagsett 29. apríl 2019 þar sem gerðar eru athugasemdir vegna umhirðu húss og lóðar á Ólafsvegi 14-16.

Lagt fram erindi dagsett 30. apríl 2019 þar sem forstöðumaður og hjúkrunarforstjóri Hornbrekku óskar eftir leyfi fyrir 6 hænum á lóð stofnunarinnar.

Lögð fram til kynningar staðfesting ráðherra á að Þormóðseyri á Siglufirði verði verndarsvæði í byggð. Einnig lögð fram umsögn Minjastofnunar Íslands um tillöguna.

Lögð fram til kynningar eftirlitsskýrsla HNV vegna skíðaskála í Skarðsdal.