Verndarsvæði í byggð - Gömul byggð á Þormóðseyri, Siglufirði

Lögð fram tillaga að verndarsvæði á Þormóðseyri á Siglufirði sem afmarkast af Aðalgötu til suðurs, Norðurgötu til austurs, Eyrargötu til norðurs og Grundargötu til vesturs. Tillagan er unnin í samræmi við lög um verndarsvæði í byggð nr. 87/2015. Einnig lögð fram greinargerð sem tillagan byggir á og inniheldur húsa- og fornleifakönnun af svæðinu ásamt greiningum og niðurstöðum, unnin af Birki Einarssyni hjá Kanon arkitektum og Birnu Lárusdóttur hjá Fornleifastofnun Íslands.

Tillaga að verndarsvæði í byggð sem afmarkast af Norðurgötu til austurs, Eyrargötu til norðurs, Grundargötu til vesturs og Aðalgötu til suðurs, var send húseigendum á svæðinu, auglýst í bæjarblaðinu Tunnunni, á heimasíðu Fjallabyggðar og var til sýnis á tæknideild Fjallabyggðar frá 15. mars - 1. maí 2018. Engar athugasemdir bárust.

Lögð fram til kynningar staðfesting ráðherra á að Þormóðseyri á Siglufirði verði verndarsvæði í byggð. Einnig lögð fram umsögn Minjastofnunar Íslands um tillöguna.