Markaðs- og menningarnefnd Fjallabyggðar

Markaðs- og menningarnefnd fór yfir gildandi reglur um úthlutun styrkja til menningarmála.
Nefndin leggur til ákveðnar breytingar á reglunum og felur markaðs- og menningarfulltrúa ásamt deildarstjóra fræðslu-, frístunda- og menningarmála að uppfæra þær í samræmi við ákvörðun fundarins. Reglum með áorðnum breytingum verður síðan vísað til umfjöllunar í bæjarráði.

Markaðs- og menningarfulltrúi kynnti þau 5 forgangsverkefni sem Fjallabyggð sendi inn í Áfangastaðaáætlun DMP. Um er að ræða verkefnalýsingu á uppbyggingu ferðamannastaða innan Fjallabyggðar. Markaðs- og menningarnefnd lýsir ánægju sinni með vel unna umsókn og vonar að eitthvert af þessum verkefnum hljóti brautargengi hjá matsnefnd.

Undanfarin ár hefur markaðs- og menningarnefnd staðið fyrir haustfundi ferðaþjónustu-, menningar- og afþreyingaraðila í Fjallabyggð. Nefndin fyrirhugar að halda slíkan fund í október og felur markaðs- og menningarfulltrúa að koma með hugmynd að dagskrá og skipulagi fundarins.