Markaðs- og menningarnefnd Fjallabyggðar

Í erindi Þórðar Guðmundssonar og Elísar Hólms Þórðarsonar f.h. óstofnaðs einkahlutafélags, dagsett 13. febrúar 2014, er óskað eftir leyfi Fjallabyggðar til að ferja fólk upp á fjöll sem eru í eigu sveitarfélagsins, með sérútbúnum snjótroðara, til útsýnis- og skíðaferða.
Fari svo að leyfi fáist er stefnt að því að hefja ferðir veturinn 2014-2015.
Bæjarráð samþykkti á 334. fundi sínum 5. mars 2014, að vísa erindinu til umfjöllunar í markaðs- og menningarnefnd.

Á fund nefndarinnar mætti Þórður Guðmundsson til að kynna nánar hugmyndir að fólksflutningum á fjöll.
Leitað er eftir heimild fyrir að ferja fólk upp í Múlakollu í Ólafsfjarðarmúla og Burstabrekkudal og Hólkotshyrnu í Ólafsfirði.
Laga þarf vegaslóða þessu tengdu og er óskað heimildar til að sjá um það.

Markaðs- og menningarnefnd tekur jákvætt erindið.
Lagt er til við bæjarráð að afnot af landi sé heimiluð, af því gefnu að haft verði samráð við tæknideild varðandi slóðagerð og sótt verði um leyfi til skipulags- og umhverfisnefndar.

Samkvæmt ákvörðun bæjarstjórnar eiga gjaldskrár sveitarfélagsins ekki að hækka að svo stöddu.

Markaðs- menningarnefnd samþykkir fyrir sitt leyti gjaldskrá 2014 fyrir Náttúrugripasafnið í Ólafsfirði.

Fullorðnir: 550 kr.
Ókeypis fyrir börn yngri en 16 ára í fylgd foreldra.
Ellilífeyrisþegar, öryrkjar og ungmenni 16 - 20 ára: 450 kr.
*Aðgangseyrir fyrir hópa (10 eða fleiri): 400 kr.
*Skólahópar (utan Fjallabyggðar): 200 kr.

Markaðs- og menningarnefnd samþykkir fyrir sitt leyti gjaldskrá 2014 fyrir tjaldsvæði:
Tjaldstæði Siglufirði

Verð: Gistinótt pr. einstakling: 800 kr.

Sama gjald á tjöld og vagna.

Ellilífeyrisþegar og öryrkjar: 600 kr. gistinótt per. mann
*Gistináttagjald: 100 kr. pr. gistieiningu.

Frítt fyrir börn undir 12 ára

Rafmagn: 400 kr. nóttin.

Hægt er að þvo og þurrka þvott á tjaldstæðinu, það kostar 500 kr.

Tjaldstæði Ólafsfirði

Verð: Gistinótt pr. einstakling: 800 kr.

Sama gjald á tjöld og vagna.

Ellilífeyrisþegar og öryrkjar: 600 kr. gistinótt per. mann
*Gistináttagjald: 100 kr. pr. gistieiningu.

Frítt fyrir börn undir 12 ára

Rafmagn: 400 kr. nóttin.

Hægt er að þvo og þurrka þvott í íþróttamiðstöðinni, það kostar 500 kr.

* Nýir liðir í gjaldskrá

Lagðir fram minnispunktar markaðs- og menningarfulltrúa frá fundi 20. febrúar s.l. með hagsmunaaðilum í ferðaþjónustu.
Markaðs- og menningarnefnd lýsir yfir ánægju með mætingu á fundinn og að vinna sé hafin við mótun ferðamálastefnu Fjallabyggðar.
Óskað er eftir því að markaðs- og menningarnefnd skipi tvo fulltrúa í starfshóp við undirbúning ferðamálastefnunnar, en frá hagsmunaaðilum eru tilnefndir Þórir Kr. Þórisson, Helgi Jóhannsson og Steinunn María Sveinsdóttir.
Markaðs- og menningarnefnd samþykkir að vísa tilnefningu í starfshóp til næsta fundar bæjarstjórnar.
Starfshópurinn mun starfa með markaðs- og menningarfulltrúa, Kristni J. Reimarssyni.

Fundargerð frá 27. febrúar 2014, lögð fram til kynningar.

Þjóðskalasafn Íslands hefur formlega óskað eftir staðfestingu á nafnabreytingu á héraðsskjalasafninu, sem varð í kjölfar sameiningar sveitarfélaganna árið 2006.
Nafnið verði Héraðsskjalasafn Fjallabyggðar og voru lagðar fram samþykktir fyrir safnið til samþykktar í bæjarráði 19. febrúar s.l., sem lagði til við bæjarstjórn að samþykktirnar og breytingin á nafni safnsins verði samþykktar.

Lögð fram til kynningar, áform um að skoða aðbúnað og húsnæði fyrir Héraðskjalasafn Fjallabyggðar á miðhæð í ráðhúsi á Siglufirði.

Lagður fram undirritaður þjónustusamningur Bókasafns Fjallabyggðar og Menntaskólans á Tröllaskaga.