Markaðs- og menningarnefnd Fjallabyggðar

Ólafur Stefánsson formaður var fjarverandi undir þessum lið. Ægir Bergsson varaformaður stjórnaði fundi.
Í upphafi fundar heimsóttu fundarmenn bæjarlistamann 2019 Hólmfríði Vídalín Arngrímsdóttur á vinnustofu hennar. Hólmfríður kynnti nefndarmönnum verk sín. Markaðs- og menningarnefnd þakkar Hólmfríði kærlega fyrir skemmtilega og fræðandi móttöku.

Ólafur Stefánsson formaður var fjarverandi undir þessum lið. Ægir Bergsson varaformaður stjórnaði fundi. Ásta Sigurfinnsdóttir umsjónarmaður Tjarnarborgar fór yfir starfið í menningarhúsinu á síðastliðnu ári. Markaðs- og menningarnefnd þakkar Ástu fyrir yfirferðina. Ljóst er að starfið í húsinu er að aukast og verða fjölbreyttara með hverju árinu.

Markaðs- og menningarnefnd leggur fram tillögu um að samsetning stýrihóps um gerð Markaðsstefnu Fjallabyggðar verði með eftirfarandi hætti: Tveir aðilar úr bæjarstjórn, formaður markaðs- og menningarnefndar og tveir aðilar sem hafa reynslu eða menntun á sviði markaðssetningar. Markaðs- og menningarfulltrúi verður starfsmaður stýrihópsins. Tillögunni er vísað til bæjarstjórnar.

Markaðs- og menningarnefnd leggur til að markaðs- og menningarfulltrúi verði með viðveru í Ólafsfirði einu sinni í mánuði í 2 klst í senn til reynslu fram á vor. Viðtalstími verður auglýstur á heimasíðu Fjallabyggðar.